27 ára gamall maður hefur játað á sig morðið á vísindakonunni Suzanne Eaton sem fannst í skotbyrgi nasista úr síðari heimsstyrjöldinni á grísku eyjunni Krít fyrr í mánuðinum. Dánarorsök hennar er talin vera köfnun. BBC greinir frá.
Eaton var sameindalíffræðingur frá Max Planck-stofnuninni í Þýskalandi og hafði verið á eyjunni vegna ráðstefnu. Tveir vinir hennar tilkynntu um hvarf hennar þann 2. júlí þegar hún hafði ekki skilað sér til baka eftir hlaup.
Lík Eaton fannst sex dögum síðar í skotbyrginu, um það bil tíu kílómetrum frá staðnum sem hún sást síðast. Vinnur lögregla nú að því að finna út hvar Eaton var myrt en líklegt þykir að hún hafi verið færð í skotbyrgið eftir morðið.
Maðurinn sem játaði á sig morðið er giftur tveggja barna faðir. Talið er að hann hafi ráðist á Eaton til þess að misnota hana kynferðislega.
Játar að hafa myrt vísindakonuna á Krít
Tengdar fréttir
Vísindakona fannst myrt í skotbyrgi nasista
Tilkynnt var um hvarf bandarísks sameindalíffræðings 2. júlí. Hún hafði farið út að hlaupa en kom aldrei aftur. Lík hennar fannst í skotbyrgi sem nasistar grófu.
