Helgi Hrafn um ræðuna: „Þetta var ömurlegt fyrir alla en ég myndi gera þetta aftur“ Sylvía Hall skrifar 17. júlí 2019 15:04 Vísir/Samsett „Ef ég á að segja alveg eins og er þá langar mig ekki mikið til þess að halda áfram að tala um Birgittu. Þessi ræða er haldin fyrir atkvæðagreiðslu og var beint að fólki sem var að fara að taka þátt í þeirri atkvæðagreiðslu og fyrir mitt leyti hefur ekkert erindi út fyrir þann hóp.“ Þetta segir Helgi Hrafn Gunnarsson, þingmaður Pírata, í samtali við Vísi um ræðu sína á fundi Pírata á mánudaginn þar sem atkvæðagreiðsla um trúnaðarráð flokksins fór fram. Á meðal þeirra sem buðu sig fram var Birgitta Jónsdóttir, einn stofnenda flokksins og fyrrum þingflokksformaður. Eldræða Helga Hrafn vakti mikla athygli í gær þegar myndbandsupptaka af fundinum var birt á YouTube. Þar fór Helgi Hrafn ófögrum orðum um Birgittu, sagði hana grafa undan samherjum sínum ef þeir ógnuðu henni og hóta þeim sem ekki fóru að hennar óskum.Sjá einnig: „Þegar Birgitta Jónsdóttir fær ekki að ráða þá upplifir hún ekki höfnun heldur árás“ Hann segist ekki hafa beint orðum sínum að almenningi og hafi ekki verið að reyna að gera lítið úr Birgittu á fundinum. Honum hafi einfaldlega þótt mikilvægt að þetta kæmi fram fyrir atkvæðagreiðsluna og hann sjái ekki eftir því. „Það þurfti að segja þetta, ég stend við hvert orð, þetta var ömurlegt fyrir alla en ég myndi gera það aftur.“Hætti í flokknum og drullaði yfir hann í fjölmiðlum Helgi Hrafn segir það vera óþarfi að draga þetta mál á langinn. Atkvæðagreiðslunni sé nú lokið og Birgitta sé nú óbreyttur borgari og sé ekki að sækjast eftir neinni stöðu innan flokksins. Hann skilji það ekki betur en svo að hún ætli að fara að snúa sér að öðrum málum. Aðspurður hvort hann sæi fyrir sér að starfa aftur með Birgittu í framtíðinni segist hann ekki útiloka neitt. Það sé enginn tilgangur í slíkum fullyrðingum enda hafi margt gerst sem hann hefði áður útilokað. Hann virðist þó ekki sáttur við það hvernig Birgitta skildi við flokkinn á sínum tíma. „Hún kom beint inn í þetta núna eftir að það seinasta sem við vissum af henni var það að hún hefði hætt í flokknum og drullaði yfir flokkinn í fjölmiðlum. Hún kemur svo aftur og segist vera til í trúnaðarstöðu, og enga smá trúnaðarstöðu heldur trúnaðarstöðu í trúnaðarráði, án þess að eiga nokkuð uppgjör,“ segir Helgi Hrafn. Hann segir það hafa verið „fráleita pælingu“ að hún sóttist eftir stöðunni í ljósi þess sem á undan hefur gengið og því hafi hann séð sig knúinn til þess að láta þessi sjónarmið heyrast. Það hafi skipt máli við þessa ákvarðanatöku og í rauninni skipti það alltaf máli við lýðræðislegar ákvarðanir. „Þegar er verið að taka lýðræðislega ákvörðun um það hver eigi að sinna einhverju hlutverki, þá er fólk að bjóða sig fram í það að aðrir sem hafa starfað með viðkomandi segi sitt álit. Hún hafði fullt vald á því að verja sig þarna.“Helgi Hrafn segir engar reglur gilda um hverjir megi vera í Pírötum. Birgitta megi alveg vera í flokknum ef hún vill.vísir/anton brinkAfdráttarlaus niðurstaða í atkvæðagreiðslu Á fundinum í gær voru greidd atkvæði um skipun Birgittu Jónsdóttur, Agnesar Ernu Esterardóttur og Hrannars Jónssonar í trúnaðarráð. Tilnefningar Agnesar og Hrannars voru samþykktar með miklum meirihluta en líkt og áður sagði var Birgittu hafnað. 68 greiddu atkvæði um skipun Birgittu í ráðið, þar af voru 55 andvígir en 13 fylgjandi. Aðspurður hvort flokkurinn væri tvískiptur í afstöðu sinni gagnvart Birgittu segir Helgi Hrafn að fyrir fram hafi hann verið alls óviss um hvernig atkvæðagreiðslan færi. Það hefði vel getað farið svo að skipun hennar hefði verið samþykkt. „Ég vissi það ekkert fyrir fram hvernig þetta færi. Það vissi það enginn. Ég held að allir hafi verið mjög óvissir, báðum megin við línuna.“ Á fundinum sagði Helgi Hrafn ástæðuna fyrir því að þingflokkurinn beitti sér gegn skipun hennar vera þá að það væri eini hópurinn innan flokksins sem væri í „þeirri aðstöðu að geta staðið upp í hárinu á henni“. Hann segir niðurstöðuna hins vegar mjög skýra í ljósi þess hversu stór meirihluti var andvígur skipun hennar. „Þetta er bara erfitt. Þetta er bara vont. Það er náttúrulega erfitt að sjá fyrir hvernig hlutirnir fara og alveg eðlilega, það er hluti af lýðræðinu að maður viti ekki niðurstöðuna fyrir fram.“ Píratar Tengdar fréttir Upptaka af átakafundi Pírata: „Þegar Birgitta Jónsdóttir fær ekki að ráða þá upplifir hún ekki höfnun heldur árás“ Helgi Hrafn Gunnarsson, þingmaður Pírata, fór ófögrum orðum um Birgittu Jónsdóttur á fundi Pírata í gær. 16. júlí 2019 19:09 Þingmenn Pírata beittu sér gegn Birgittu Nokkurs titrings gætir meðal Pírata eftir að skipun Birgittu Jónsdóttur, stofnanda flokksins, í trúnaðarráð var hafnað á félagsfundi. 16. júlí 2019 12:00 Mest lesið Stimpingar milli mótmælenda á Austurvelli Innlent Liggur þungt haldinn eftir stórfellda líkamsárás í Hlíðunum Innlent Hefja söfnun fyrir fjölskyldu Víglundar Innlent „Við erum engir rasistar“ Innlent „Mæta á næstu Palestínumótmæli og berja þetta lið“ Innlent „Glútenóþol var orðið óhreinn hattur yfir þetta allt saman“ Innlent Hinn látni erlendur ríkisborgari á þrítugsaldri Innlent „Ef fram heldur sem horfir verður Aþena lögð niður í næstu viku“ Innlent Engin smithætta vegna veikinda í vélinni Innlent Þekkir ekki eina stelpu sem ekki hefur verið áreitt Innlent Fleiri fréttir Sagðist ekki hafa orðið var við átök: „Ég var eins og pabbi þeirra“ Gamlir Fóstbræður sungu fyrir Njál og hans fólk á Bergþórshvoli Einn fékk rúmar fimmtíu milljónir Lengri opnunartímar sundlauga taka gildi „Við erum engir rasistar“ Kolmónoxíðeitrun talin vera orsök veikinda í flugvél Hasar á tvöföldum mótmælum, flugsýning og tryllitæki í beinni Liggur þungt haldinn eftir stórfellda líkamsárás í Hlíðunum Nikótínþurfi guðsbarn braust inn í Bjarnabúð „Ef fram heldur sem horfir verður Aþena lögð niður í næstu viku“ Stimpingar milli mótmælenda á Austurvelli Sigríður svarar gagnrýni á störf lögreglunnar á Suðurnesjum Tíundi hver með ágætiseinkunn í MR Engin smithætta vegna veikinda í vélinni Segir Viðskiptablaðið og Samstöðina fara rangt með mál um Ásthildi Lóu Kökuskreytingar og þjóðdansar á „Fjör í Flóa“ í dag Tvenn mótmæli í Reykjavík og herþota á flugsýningu „Mæta á næstu Palestínumótmæli og berja þetta lið“ Missa fatamarkaðinn með flutningi Konukots í Ármúla „Glútenóþol var orðið óhreinn hattur yfir þetta allt saman“ Ók hlaupahjólinu á tré með pizzu í annarri Hefja söfnun fyrir fjölskyldu Víglundar Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Sjá meira
„Ef ég á að segja alveg eins og er þá langar mig ekki mikið til þess að halda áfram að tala um Birgittu. Þessi ræða er haldin fyrir atkvæðagreiðslu og var beint að fólki sem var að fara að taka þátt í þeirri atkvæðagreiðslu og fyrir mitt leyti hefur ekkert erindi út fyrir þann hóp.“ Þetta segir Helgi Hrafn Gunnarsson, þingmaður Pírata, í samtali við Vísi um ræðu sína á fundi Pírata á mánudaginn þar sem atkvæðagreiðsla um trúnaðarráð flokksins fór fram. Á meðal þeirra sem buðu sig fram var Birgitta Jónsdóttir, einn stofnenda flokksins og fyrrum þingflokksformaður. Eldræða Helga Hrafn vakti mikla athygli í gær þegar myndbandsupptaka af fundinum var birt á YouTube. Þar fór Helgi Hrafn ófögrum orðum um Birgittu, sagði hana grafa undan samherjum sínum ef þeir ógnuðu henni og hóta þeim sem ekki fóru að hennar óskum.Sjá einnig: „Þegar Birgitta Jónsdóttir fær ekki að ráða þá upplifir hún ekki höfnun heldur árás“ Hann segist ekki hafa beint orðum sínum að almenningi og hafi ekki verið að reyna að gera lítið úr Birgittu á fundinum. Honum hafi einfaldlega þótt mikilvægt að þetta kæmi fram fyrir atkvæðagreiðsluna og hann sjái ekki eftir því. „Það þurfti að segja þetta, ég stend við hvert orð, þetta var ömurlegt fyrir alla en ég myndi gera það aftur.“Hætti í flokknum og drullaði yfir hann í fjölmiðlum Helgi Hrafn segir það vera óþarfi að draga þetta mál á langinn. Atkvæðagreiðslunni sé nú lokið og Birgitta sé nú óbreyttur borgari og sé ekki að sækjast eftir neinni stöðu innan flokksins. Hann skilji það ekki betur en svo að hún ætli að fara að snúa sér að öðrum málum. Aðspurður hvort hann sæi fyrir sér að starfa aftur með Birgittu í framtíðinni segist hann ekki útiloka neitt. Það sé enginn tilgangur í slíkum fullyrðingum enda hafi margt gerst sem hann hefði áður útilokað. Hann virðist þó ekki sáttur við það hvernig Birgitta skildi við flokkinn á sínum tíma. „Hún kom beint inn í þetta núna eftir að það seinasta sem við vissum af henni var það að hún hefði hætt í flokknum og drullaði yfir flokkinn í fjölmiðlum. Hún kemur svo aftur og segist vera til í trúnaðarstöðu, og enga smá trúnaðarstöðu heldur trúnaðarstöðu í trúnaðarráði, án þess að eiga nokkuð uppgjör,“ segir Helgi Hrafn. Hann segir það hafa verið „fráleita pælingu“ að hún sóttist eftir stöðunni í ljósi þess sem á undan hefur gengið og því hafi hann séð sig knúinn til þess að láta þessi sjónarmið heyrast. Það hafi skipt máli við þessa ákvarðanatöku og í rauninni skipti það alltaf máli við lýðræðislegar ákvarðanir. „Þegar er verið að taka lýðræðislega ákvörðun um það hver eigi að sinna einhverju hlutverki, þá er fólk að bjóða sig fram í það að aðrir sem hafa starfað með viðkomandi segi sitt álit. Hún hafði fullt vald á því að verja sig þarna.“Helgi Hrafn segir engar reglur gilda um hverjir megi vera í Pírötum. Birgitta megi alveg vera í flokknum ef hún vill.vísir/anton brinkAfdráttarlaus niðurstaða í atkvæðagreiðslu Á fundinum í gær voru greidd atkvæði um skipun Birgittu Jónsdóttur, Agnesar Ernu Esterardóttur og Hrannars Jónssonar í trúnaðarráð. Tilnefningar Agnesar og Hrannars voru samþykktar með miklum meirihluta en líkt og áður sagði var Birgittu hafnað. 68 greiddu atkvæði um skipun Birgittu í ráðið, þar af voru 55 andvígir en 13 fylgjandi. Aðspurður hvort flokkurinn væri tvískiptur í afstöðu sinni gagnvart Birgittu segir Helgi Hrafn að fyrir fram hafi hann verið alls óviss um hvernig atkvæðagreiðslan færi. Það hefði vel getað farið svo að skipun hennar hefði verið samþykkt. „Ég vissi það ekkert fyrir fram hvernig þetta færi. Það vissi það enginn. Ég held að allir hafi verið mjög óvissir, báðum megin við línuna.“ Á fundinum sagði Helgi Hrafn ástæðuna fyrir því að þingflokkurinn beitti sér gegn skipun hennar vera þá að það væri eini hópurinn innan flokksins sem væri í „þeirri aðstöðu að geta staðið upp í hárinu á henni“. Hann segir niðurstöðuna hins vegar mjög skýra í ljósi þess hversu stór meirihluti var andvígur skipun hennar. „Þetta er bara erfitt. Þetta er bara vont. Það er náttúrulega erfitt að sjá fyrir hvernig hlutirnir fara og alveg eðlilega, það er hluti af lýðræðinu að maður viti ekki niðurstöðuna fyrir fram.“
Píratar Tengdar fréttir Upptaka af átakafundi Pírata: „Þegar Birgitta Jónsdóttir fær ekki að ráða þá upplifir hún ekki höfnun heldur árás“ Helgi Hrafn Gunnarsson, þingmaður Pírata, fór ófögrum orðum um Birgittu Jónsdóttur á fundi Pírata í gær. 16. júlí 2019 19:09 Þingmenn Pírata beittu sér gegn Birgittu Nokkurs titrings gætir meðal Pírata eftir að skipun Birgittu Jónsdóttur, stofnanda flokksins, í trúnaðarráð var hafnað á félagsfundi. 16. júlí 2019 12:00 Mest lesið Stimpingar milli mótmælenda á Austurvelli Innlent Liggur þungt haldinn eftir stórfellda líkamsárás í Hlíðunum Innlent Hefja söfnun fyrir fjölskyldu Víglundar Innlent „Við erum engir rasistar“ Innlent „Mæta á næstu Palestínumótmæli og berja þetta lið“ Innlent „Glútenóþol var orðið óhreinn hattur yfir þetta allt saman“ Innlent Hinn látni erlendur ríkisborgari á þrítugsaldri Innlent „Ef fram heldur sem horfir verður Aþena lögð niður í næstu viku“ Innlent Engin smithætta vegna veikinda í vélinni Innlent Þekkir ekki eina stelpu sem ekki hefur verið áreitt Innlent Fleiri fréttir Sagðist ekki hafa orðið var við átök: „Ég var eins og pabbi þeirra“ Gamlir Fóstbræður sungu fyrir Njál og hans fólk á Bergþórshvoli Einn fékk rúmar fimmtíu milljónir Lengri opnunartímar sundlauga taka gildi „Við erum engir rasistar“ Kolmónoxíðeitrun talin vera orsök veikinda í flugvél Hasar á tvöföldum mótmælum, flugsýning og tryllitæki í beinni Liggur þungt haldinn eftir stórfellda líkamsárás í Hlíðunum Nikótínþurfi guðsbarn braust inn í Bjarnabúð „Ef fram heldur sem horfir verður Aþena lögð niður í næstu viku“ Stimpingar milli mótmælenda á Austurvelli Sigríður svarar gagnrýni á störf lögreglunnar á Suðurnesjum Tíundi hver með ágætiseinkunn í MR Engin smithætta vegna veikinda í vélinni Segir Viðskiptablaðið og Samstöðina fara rangt með mál um Ásthildi Lóu Kökuskreytingar og þjóðdansar á „Fjör í Flóa“ í dag Tvenn mótmæli í Reykjavík og herþota á flugsýningu „Mæta á næstu Palestínumótmæli og berja þetta lið“ Missa fatamarkaðinn með flutningi Konukots í Ármúla „Glútenóþol var orðið óhreinn hattur yfir þetta allt saman“ Ók hlaupahjólinu á tré með pizzu í annarri Hefja söfnun fyrir fjölskyldu Víglundar Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Sjá meira
Upptaka af átakafundi Pírata: „Þegar Birgitta Jónsdóttir fær ekki að ráða þá upplifir hún ekki höfnun heldur árás“ Helgi Hrafn Gunnarsson, þingmaður Pírata, fór ófögrum orðum um Birgittu Jónsdóttur á fundi Pírata í gær. 16. júlí 2019 19:09
Þingmenn Pírata beittu sér gegn Birgittu Nokkurs titrings gætir meðal Pírata eftir að skipun Birgittu Jónsdóttur, stofnanda flokksins, í trúnaðarráð var hafnað á félagsfundi. 16. júlí 2019 12:00