Breiðablik hefur kallað markvörðinn Ólaf Íshólm Ólafsson til baka úr láni frá Fram.
Gunnleifur Gunnleifsson fór meiddur af velli þegar Breiðablik tapaði fyrir KR, 2-0, í Pepsi Max-deild karla á mánudaginn. Hlynur Örn Hlöðversson kom inn á í stað Gunnleifs og gerði sig sekan um slæm mistök í öðru marki KR-inga.
Í samtali við Vísi á þriðjudaginn bjóst Gunnleifur við að vera orðinn klár fyrir leikinn gegn HK í kvöld.
Blikar hafa samt sem áður kallað Ólaf Íshólm til baka úr láni. Hann hefur leikið alla tíu leiki Fram í Inkasso-deildinni í sumar.
Ólafur Íshólm kom til Breiðabliks frá Fylki 2017. Hann lék einn leik með liðinu í Pepsi-deildinni í fyrra.
Ólafur Íshólm er kominn með leikheimild með Breiðabliki og gæti því staðið á milli stanganna gegn HK í kvöld ef Gunnleifur er enn meiddur.
Leikur Breiðabliks og HK hefst klukkan 19:15 og verður sýndur beint á Stöð 2 Sport.
Breiðablik kallar Ólaf Íshólm til baka úr láni
Tengdar fréttir
Breiðablik skoðar markmannsmálin vegna meiðsla: Buðu í Anton Ara en tilboðinu hafnað
Íslandsmeistararnir vilja ekki selja Anton Ara Einarsson.
Umfjöllun, viðtöl og einkunnir: KR - Breiðablik 2-0 | KR-ingar unnu toppslaginn
KR vann Breiðablik, 2-0, og náði fjögurra stiga forskoti á toppi Pepsi Max-deildar karla.
Pepsi Max mörkin: Sofandi Blikar og klókir KR-ingar
Pepsi Max mörkin fóru yfir mörkin tvö sem færðu KR-ingum 2-0 sigur á Blikum í toppslagnum og um leið fjögurra stiga forystu á toppi deildarinnar.
Breiðablik samþykkir tilboð frá Ungverjalandi í Aron
Breiðablik gæti verið að missa einn sinn besta mann.
Gunnleifur: Er fíkill í fótbolta og dettur ekki til hugar að missa af næsta leik
Gunnleifur Gunnleifsson, markvörður Breiðabliks, varð að fara af velli snemma leiks í toppslagnum gegn KR í gær þar sem hann var meiddur í baki.
Helsingborg vill fá Brynjólf Darra í stað Andra Rúnars
Leikmenn Breiðabliks vekja athygli utan landssteinanna.
Ágúst: Hlynur átti að verja þetta
Breiðablik tapaði fyrir KR í toppslag Pepsi Max-deildar karla í kvöld.
