Salman bin Hamad bin Isa Al Khalifa, krónprins Barein, var einn af þeim sem staddur var með knattspyrnugoðsögninni David Beckham við veiðar hér á landinu um helgina.
Þetta má sjá á Instagram-síðu Beckhams sem var við veiðar í Haffjarðará á Snæfellsnesi um helgina ásamt góðvinum sínum Björgólfi Thor Björgólfssyni og breska leikstjóranum Guy Ritchie.
Samkvæmt heimildum Vísis eru myndirnar sem Beckham hefur birt á Instagram-síðu sinni teknar um helgina og því óvíst hvort hann sé enn þá staddur á landinu. Beckham skrásetti ferðina nokkuð ítarlega en meðal annars má sjá hann stinga sér til sunds og í siglingu á Breiðafirði.
„Við elskum Ísland,“ má heyra Beckham segja í einu myndbandinu en hann er mikill Íslandsvinur í gegnum vinskap sinn við Björgólf og hefur komið hingað til lands í nokkur skipti undanfarin ár.
Salman bin Hamad er 49 ára gamall og mun að öllum líkindum erfa krúnuna í Barein þegar fram líða stundir. Þá er hann einnig fyrsti varaforsætisráðherra landsins.
Krónprins Barein veiddi með Beckham og félögum
![David Beckham, maður að nafni Jamie og svo krónrprinsinn sjálfur, Salman bin Hamad.](https://www.visir.is/i/92D79853E917067BB0AE9AC347231B3932F060E30E772A94A964264D1324C2CF_713x0.jpg)
Tengdar fréttir
![](https://www.visir.is/i/28DE6D805B4A1C0174200B523A8F10A3A57F99F0B8756ABBB519080CAA05BD25_308x200.jpg)
Beckham ánægður með fullkomna ferð: „Fallegt land, fallegt fólk“
David Beckham birti myndasyrpu frá veiðiferðinni á Instagram.
![](https://www.visir.is/i/0B463A9F645D4326AEF5705BCE98110F21DEBDED2CE95E4907EF01A6A0BF017D_308x200.jpg)
David Beckham og félagar aftur mættir í veiði: „Við elskum Ísland“
Knattspyrnugoðsögnin David Beckham er enn á ný mættur til Íslands í veiði með félögum sínum, þeim Björgólfi Thor Björgólfssyni og breska leikstjóranum Guy Ritchie. Þeir félagar voru einnig staddir hér á landi í sömu erindagjörðum á síðasta ári.
![](https://www.visir.is/i/0ACEB724CD8157A354D399DBD5CD72699C0868B44CEEF3D50B31C1337FEFDFE9_308x200.jpg)
Sjáðu fallega afmæliskveðju David Beckham til Björgólfs Thors
Knattspyrnumaðurinn fyrrverandi David Beckham sendir viðskiptamanninum íslenska Björgólfi Thor Björgólfssyni afmæliskveðju á Instagram í dag.