Portúgal tryggði sér sæti í lokakeppni EM 2020 með sigri á Rúmeníu, 19-24, í dag. Þetta er í fyrsta sinn síðan 2006 sem Portúgalar komast á stórmót í handbolta karla.
Portúgal er með átta stig í riðli 6, jafn mörg og Frakkland sem kjöldró Litháen, 17-37, og tryggði sér í leiðinni sæti á EM.
Erlingur Richardsson stýrði Hollendingum til sigurs á Eistum, 27-33, á útivelli. Holland er með fjögur stig í riðli 4 og á enn möguleika á að komast á EM. Hollendingar mæta Lettum í lokaumferð riðlakeppninnar á sunnudaginn.
Rússland tryggði sér einnig farseðilinn á EM með sigri á Ítalíu, 21-24, í riðli 7. Rússar komust ekki á EM 2018.
Þá vann Svartfjallaland Færeyjar, 21-24, í riðli 8.
Portúgalar á stórmót í fyrsta sinn síðan 2006
Tengdar fréttir
Sjáðu gleðina er Lettar tryggðu sig inn á EM í fyrsta sinn
Lettneska tröllið Dainis Kristopans skoraði sigurmarkið er Lettar skrifuðu nýjan kafla í handboltasögu sína í gær og gleðin var mikil þar í gær.
Umfjöllun: Grikkland - Ísland 28-28 | Björguðu jafntefli gegn Grikkjum
Íslenska karlalandsliðið í handbolta gerði jafntefli við Grikki ytra í undankeppni EM 2020. Ísland mun nú leika úrslitaleik um beint sæti á EM gegn Tyrkjum á sunnudag.
Lettar komnir á EM í fyrsta sinn
Fimm lið tryggðu sér sæti á EM 2020 í handbolta karla í dag.
Norður-Makedónía komin á EM eftir nauman sigur í Tyrklandi
Kiril Lazarov og félagar eru komnir á EM 2020 í handbolta.
