Valur er áfram með fullt hús stiga í Pepsi Max-deild kvenna eftir að liðið vann öruggan 4-0 sigur á HK/Víking í Kórnum í kvöld.
Fyrsta markið kom á síðustu mínútu fyrri hálfleiks en markið skoraði Elín Metta Jensen. 1-0 fyrir Val í hálfleik en Elísa Viðarsdóttir tvöfaldaði forystuna á 55. mínútu.
Það voru svo varamennirnir Guðrún Karítas Sigurðardóttir og Mist Edvardsdóttir sem bættu við sitt hvoru markinu áður en yfir lauk og lokatölur 4-0.
Valur er með tólf stig, eins og Breiðablik á toppi deildarinnar en liðin eru með sömu markatöluna, 13-2. HK/Víkingur er með þrjú stig eftir fjóra leiki.
Nýliðar Keflavíkur köstuðu frá sér sigrinum gegn Selfoss á Selfossi en Selfoss vann dramatískan 3-2 sigur þar sem landsliðskonan Hólmfríður Magnúsdóttir skoraði sigurmarkið.
Barbára Sól Gísladóttir kom Selfoss yfir snemma leiks en Sophia Groff og Sveindís Jane Jónsdóttir komu Keflavík yfir fyrir hlé.
Grace Rapp jafnaði metin fyrir heimastúlkur á 69. mínútu og Hólmfríður skoraði svo sigurmarkið í uppbótartíma eftir að hafa komið inn á sem varamaður á 69. mínútu.
Selfoss er því komið með sex stig en Keflavík er á botninum án stiga.
Valur áfram með fullt hús og sigurmark Hólmfríðar í uppbótartíma á Selfossi
Anton Ingi Leifsson skrifar

Mest lesið


Fegin að vera komin heim: „Þetta endaði ekkert vel“
Íslenski boltinn

Barcelona Spánarmeistari
Fótbolti







Hörður kominn undan feldinum
Körfubolti
Fleiri fréttir

Þeir bestu (25.-21. sæti): Kolbeinn kafteinn, raðsigurvegarinn í markinu, Blikahetjur og þrumuskot suður með sjó

Þeir bestu (30.-26. sæti): Markvörður stóru augnablikanna, varnargoð úr Eyjum og Vesturbænum, Smalinn og listamaðurinn

Þeir bestu (50.-41. sæti): Skagamiðverðir, markahrókar úr Eyjum og Laugardalnum og öldungurinn aftast
