Fótbolti

UEFA leggur til töluverða fjármuni til að fjölga konum í fótbolta um helming

Tómas Þór Þórðarson skrifar
Nú á að efla kvennaboltann.
Nú á að efla kvennaboltann. vísir/getty
UEFA, evrópska knattspyrnusambandið, hefur sett á laggirnar fimm ára áætlun og ætlar að leggja til mikla fjármuni til að fjölga konum í fótboltanum í Evrópu um helming.

Undanfarin þrjú ár hefur UEFA verið með WePlayStrong-herferðina í gangi, aukið fjármagn í kvennaboltann um helming og verið með sérstakega kvennafótboltadeild innan sinna raða en nú á að gefa enn frekar í.

„Kvennafótbolta er ekki fótbolti morgundagsins heldur fótbolti dagsins í dag. Það er skylda UEFA að efla kvennafótboltann enn frekar,“ segir Aleksander Ceferin, forseti UEFA.

Hann fullyrðir að UEFA ætli að auka fjármagn sitt í kvennafótboltann verulega til að gera hann eins öflugan og mögulegt er.

Þeir sem að halda utan um áætlunina og eiga að framfylgja henni sjá fyrir sér að fjölga stúlkum og konum í fótbolta í Evrópu um helming en UEFA vill sjá 2,5 milljónir kvenna í fótbolta eftir fimm ár.

Þá vill UEFA tvöfalda fjölda kvenna innan sinna raða í öllum stjórnum sambandsins.

Fótbolti UEFA

Mest lesið


Fleiri fréttir

Sjá meira


×

Mest lesið