Heppin fjölskylda gæti unnið ferð til Krítar hjá Eldum rétt

Eldum rétt fagnar fimm ára afmæli með stórskemmtilegum leik. Þeir sem kaupa matarpakka frá Eldum rétt fram til 16. maí fá gómsætan glaðning frá Hafliða Ragnarssyni, konfektgerðarmeistara og einnig munu þrír veglegir vinningar leynast í matarpökkum næstu daga.

„Okkur langaði til að bregða á leik með viðskiptavinum okkar og gleðja þá hressilega,“ segir Hrafnhildur Hermannsdóttir, einn eigenda Eldum rétt.

„Hafliði hefur útbúið fyrir okkur sérstaklega þrjár súkkulaðiplötur, eina gullhúðaða, eina silfurhúðaða og eina brons. Þessum plötum verður stungið ofan í matarpakka af handahófi og innihalda þær stórglæsilega vinninga. Sá sem finnur bronsplötu í pakkanum sínum hefur unnið gjafabréf í Snúruna að andvirði 70 þúsund krónur, sá sem finnur silfurplötuna hefur unnið gistingu í Deluxe herbergi fyrir tvo með fjögurra rétta sælkerakvöldverði á Hótel Húsafelli og sá sem finnur gullplötu í matarpakkanum sínum hefur unnið flug og gistingu fyrir fjölskylduna á draumaeyjunni Krít í 12 daga. Þessar vikur verða okkar vinsælustu réttir frá upphafi á boðstólum.“

Eldum rétt hefur vaxið og dafnað frá því það var sett á laggirnar enda leysir það eitt hvimleiðasta vandamál hvers heimilis. „Við höfum einfaldað líf ansi margra með því að ákveða fyrir fólk hvað á að vera í matinn,“ segir Hrafnhildur en þjónustan gengur út á tilbúna matarpakka með uppskrift sem hægt er að fá sent heim að dyrum.

„Við vorum brautryðjendur í þessari þjónustu hér á landi og okkar helsta áskorun var að fá Íslendinga  til þess að skipuleggja sig viku fram í tímann. Árið 2016 var fólk þó búið að átta sig á hvað þetta er þægilegt og boltinn fór að rúlla. Okkur hefur gengið mjög vel síðan þá,“ segir Hrafnhildur.

Íslendingar eru kröfuharðir þegar kemur að kvöldmatnum en það eru kokkarnir á bak við uppskriftirnar frá Eldum rétt einnig.

„Við sláum ekkert af í vöruþróuninni og hjá okkur eru tveir starfsmenn í fullu starfi við að búa til rétti og uppskriftir. Standardinn er mjög hár og réttirnir fara í gegnum margar síur, eru eldaðir nokkrum sinnum og smakkaðir til. Við fylgjumst einnig vel með öllu sem er í gangi og komum til móts við lágkolvetnafæði og vegan svo eitthvað sé nefnt. Svo er í vinnslu að bjóða upp á sérstaka ketópakka fyrir þá viðskiptavini sem vilja. Eins og er bjóðum við sex mismunandi matarpakka og er jú von á fleirum.“

Hrafnhildur segir fólk ekki einungis upplifa tímasparnað að þurfa ekki að hendast í búð eftir vinnu, heldur spari þetta fyrirkomulag einnig aurinn. Fólk kaupi ekki óþarfa og ekkert fari til spillis. „Þetta minnkar matarsóun og minnkar streitu á heimilum.“

Hér fyrir neðan  má sjá ljúffenga rétti sem boðið er upp á hjá Eldum rétt. Matarpakka má panta hér.

Þessi kynning er unnin í samstarfi við Eldum rétt.