Atkvæðagreiðslu á meðal félagsmanna VR um nýgerða kjarasamninga lauk í dag.
Alls greiddu 7.104 atkvæði eða 20,85 prósent þeirra 34.070 félagsmanna sem voru á kjörskrá um samning VR og Samtaka atvinnulífsins, að því er segir á vef VR.
Á kjörskrá um samning VR og Félags atvinnurekenda voru 1.699 félagsmenn og greiddu 451 af þeim atkvæði eða 26,55 prósent.
Niðurstöður atkvæðagreiðslunnar verða birtar samhliða niðurstöðum hjá öðrum stéttarfélögum fyrir hádegi þann 24. apríl næstkomandi.
