Vopnaburðarnámskeiði úthýst af Grand Hótel: „Ekki í mínu húsi“ Margrét Helga Erlingsdóttir og Vésteinn Örn Pétursson skrifa 6. apríl 2019 10:54 Til stóð að námskeiðið færi fram á Grand Hótel í dag. vísir/egill Ekkert verður af kynningarfundi herskólans European Security Academy Iceland um námskeið í vopnaburði, öryggisgæslu og öðru slíku, en til stóð að fundurinn færi fram á Grand Hotel í dag. Þetta staðfesti hótelstjóri Grand Hótel Reykjavík í samtali við fréttastofu í dag.Stundin fjallaði um námskeiðið í gær en þar kom fram að einhverjir þeirra sem hefðu hug á því að sækja námskeiðið vildu gera það í þeim tilgangi að verjast meintum straumi innflytjenda hingað til lands. Á heimasíðu ESA kemur fram að skólinn hafi þjálfað nemendur frá 68 löndum víðs vegar um heiminn frá árinu 1992. Á sjötta þúsund hafi sótt þjálfun hjá skólanum.Salvör staðfesti að ekkert yrði af námskeiðinu.Nú hefur þó fengist staðfest að ekkert verður af námskeiðinu, í það minnsta ekki á Grand Hóteli. Fréttastofu barst fyrr í dag ábending um þetta, sem Salvör Lilja Brandsdóttir, hótelstjóri Grand Hótel, staðfesti. Salvör vildi lítið segja um málið annað en það að ákvörðun hafi verið tekin um að húsnæði Grand Hótel yrði ekki notað undir viðburðinn. „Það verður ekki í þessu húsi,“ sagði Salvör sem vildi lítið tjá sig um ástæður þess að námskeiðinu hefði verið úthýst af hótelinu. Það liggur þó fyrir að ákvörðunin var tekin af hálfu hótelsins en ekki ESA. Salvör sagðist ekki vilja ganga svo langt að kalla ESA hægri-öfgasamtök en eftir stendur ákvörðunin um að skólinn fái ekki að halda námskeið sitt á Grand Hótel. „Það er ekki mitt að dæma til eða frá en niðurstaða dagsins er að þetta verður ekki hér, ekki í mínu húsi.“Rekstrarstjóri Sólon: „Það er enginn fundur hér“ Skömmu eftir að ESA-mönnum var úthýst af Grand Hótel hringdu þeir í Sólon Bistro & Bar í Bankastrætinu og báðu um að fá að halda kynninguna sína þar. Rekstrarstjóri Sólon sagði í samtali við fréttastofu að þeir hefðu siglt undir fösku flaggi og þannig fengið vilyrði um að fá að halda viðburðinn. Það hefðu ekki liðið fimm mínútur þangað til rekstrarstjórinn hringdi til baka og sagði að enginn fundur yrði haldinn á Sólon eftir að hafa grennslast fyrir um samtökin. „Það er enginn fundur hér.“ Um hádegisbilið birtist síðan færsla á Facebook ESA-samtakanna þar sem greint er frá því að kynningarfundurinn yrði líklega ekki haldinn í dag.Samtök hernaðarandstæðinga fordæmdu námskeiðið Samtök hernaðarandstæðinga birtu í gær færslu á Facebook-síðu sinni þar sem upphafleg ákvörðun hótelsins um að hýsa viðburðinn var gagnrýnd. Þar eru nýleg hryðjuverk hægri-öfgamanns í Nýja-Sjálandi rifjuð upp en sá myrti fimmtíu manns í tveimur moskum þann 15. mars. Viðbrögð samfélagsins við þessum voðaverkum hafi falið í sér eindregna höfnun á ofbeldi og hatri. „Í þessu ljósi er það umhugsunarefni að öfl sem ítrekað hafa daðrað við verstu birtingarmyndir kynþáttahaturs og útlendingaandúðar skuli óáreitt fá að skipuleggja námskeið á hóteli í miðri Reykjavík með áherslu á vopnaburð og hermennsku.“ Samtök hernaðarandstæðinga fordæmi því námskeið ESA, sem samtökin kalla fyrirtæki sem meðal annars hafi þjálfað öfgahægrihópa í Úkraínu. Samtökin hvöttu því stjórnendur Grand Hótel til þess að endurskoða ákvörðun sína um að hýsa viðburðinn.Starfsmenn hafi neitað að þjónusta ESA Viðar Þorsteinsson, framkvæmdastjóri Eflingar, segir nokkrir starfsmenn hótelsins hafi neitað að veita þjónustu á viðburðinum. Eflaust hafi það haft einhver áhrif. Hann kveðst ánægður með þá ákvörðun að vísa ESA frá.Sema Erla Serdar, stjórnmála- og evrópufræðingur, segir nú þurfi að grípa í taumana.Vísir/eyþór„Ætlum við að normalísera hatursorðræðu?“ Sema Erla Serdar sagði í gær á Facebooksíðu sinni að hernámskeiðið myndi marka tímamót í íslensku samfélagi. Ef af viðburðinum yrði væri hatursorðræða normalíseruð. Hún segir að við vitum öll hvert næsta skrefið í þessu ferli sé. „Það er núna sem við ákveðum sem samfélag hvaða leið við ætlum að fara. Ætlum við, hvort sem við erum fjölmiðlafólk, stjórnmálafólk, embættismenn eða almennir borgarar að láta þetta viðgangast? Ætlum við að normalísera hatursorðræðu með því að halda áfram að dreifa henni, senda óskýr skilaboð og gera fátt annað en að þrengja ákvæði laga um hatursorðræðu og láta íslenska öfgamenn vopnast? Eða ætlum við að taka skýra afstöðu gegn fordómum og hatri, gegn hatursorðræðu og koma í veg fyrir að hatursglæpir fari að færast í aukarnar hér, að mismunun ákveðinna hópa festist í sessi og mismunandi hópar fólks geti ekki búið í sátt og samlyndi. Við berum öll ábyrgð sem þegnar í þessu samfélagi. Það er undir okkur komið hvernig samfélagið okkar er og hvert það stefnir.“ Ferðamennska á Íslandi Innflytjendamál Reykjavík Mest lesið „Við ætlum að upplifa stóra drauminn hans Kristians Helga” Innlent Lögreglumaður á sjúkrahúsi eftir alvarlega árás á Goslokahátíð Innlent Skipstjóri handtekinn í Reykjavíkurhöfn Innlent Ákvörðun dómsmálaráðherra gríðarleg vonbrigði Innlent „Þeir verða að geta varið sig“: Hættir við að hætta vopnasendingum Erlent Lögreglan lýsir eftir Hebu Ýr Innlent Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent Vill safna íbúum Gasa í lokaðar búðir og flytja síðan á brott Erlent Bandamenn fá hótunarbréf um 25 til 40 prósent toll Erlent Einu verslun Þingeyringa lokað Innlent Fleiri fréttir Lögreglumaður á sjúkrahúsi eftir alvarlega árás á Goslokahátíð Óskar viðbragða ráðherra við löngum afgreiðslutíma Lögregla lýsir eftir heilabilaðri konu á Akureyri „Við ætlum að upplifa stóra drauminn hans Kristians Helga” Vilja taka fjármálaáætlun til umræðu Einu verslun Þingeyringa lokað Aðsóknarmet slegið í lögreglunám Skipstjóri handtekinn í Reykjavíkurhöfn Ákvörðun dómsmálaráðherra gríðarleg vonbrigði Lögreglan lýsir eftir Hebu Ýr Öll tölfræði um málþófið á einum stað: Íslandsmet á næsta sólarhring „Þetta er bara hálfkák og ekkert annað“ Skiltið hluti af stærra vandamáli sem dragi úr lífsgæðum Spyr hvort berja megi blaðamenn í ljósi sýknudómsins Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Fjársvelt geðheilbrigðisúrræði og boltaleikjabann „Kemur ekki til greina að fresta þessu máli“ Fimm grunuð um að ráðast á mann sem kom öðrum til bjargar Þrír milljarðar til viðbótar í viðhald vega Sjö ára dómur fyrir að stinga tvo: Hittu árásarmanninn í fyrsta skipti þessa nýársnótt Vill vindorkuver í Garpsdal og breytir tillögu stjórnar Tugir með magapínu eftir þríþraut við Laugarvatn „Við erum með háskólakerfi sem er fjármagnað undir OECD meðaltali“ Rembihnútur á þinginu en örþrifaráð ekki til umræðu Ákvörðun saksóknara sendi undarleg skilaboð Þinglok ekki í augnsýn og háskólarnir undirfjármagnaðir Grunaðir um að stinga mann í rassinn að tilefnislausu Ný kort sýna hvernig almyrkvinn verður á Íslandi Bandarískur kjarnorkukafbátur í heimsókn Formenn þingflokka halda spilunum þétt að sér Sjá meira
Ekkert verður af kynningarfundi herskólans European Security Academy Iceland um námskeið í vopnaburði, öryggisgæslu og öðru slíku, en til stóð að fundurinn færi fram á Grand Hotel í dag. Þetta staðfesti hótelstjóri Grand Hótel Reykjavík í samtali við fréttastofu í dag.Stundin fjallaði um námskeiðið í gær en þar kom fram að einhverjir þeirra sem hefðu hug á því að sækja námskeiðið vildu gera það í þeim tilgangi að verjast meintum straumi innflytjenda hingað til lands. Á heimasíðu ESA kemur fram að skólinn hafi þjálfað nemendur frá 68 löndum víðs vegar um heiminn frá árinu 1992. Á sjötta þúsund hafi sótt þjálfun hjá skólanum.Salvör staðfesti að ekkert yrði af námskeiðinu.Nú hefur þó fengist staðfest að ekkert verður af námskeiðinu, í það minnsta ekki á Grand Hóteli. Fréttastofu barst fyrr í dag ábending um þetta, sem Salvör Lilja Brandsdóttir, hótelstjóri Grand Hótel, staðfesti. Salvör vildi lítið segja um málið annað en það að ákvörðun hafi verið tekin um að húsnæði Grand Hótel yrði ekki notað undir viðburðinn. „Það verður ekki í þessu húsi,“ sagði Salvör sem vildi lítið tjá sig um ástæður þess að námskeiðinu hefði verið úthýst af hótelinu. Það liggur þó fyrir að ákvörðunin var tekin af hálfu hótelsins en ekki ESA. Salvör sagðist ekki vilja ganga svo langt að kalla ESA hægri-öfgasamtök en eftir stendur ákvörðunin um að skólinn fái ekki að halda námskeið sitt á Grand Hótel. „Það er ekki mitt að dæma til eða frá en niðurstaða dagsins er að þetta verður ekki hér, ekki í mínu húsi.“Rekstrarstjóri Sólon: „Það er enginn fundur hér“ Skömmu eftir að ESA-mönnum var úthýst af Grand Hótel hringdu þeir í Sólon Bistro & Bar í Bankastrætinu og báðu um að fá að halda kynninguna sína þar. Rekstrarstjóri Sólon sagði í samtali við fréttastofu að þeir hefðu siglt undir fösku flaggi og þannig fengið vilyrði um að fá að halda viðburðinn. Það hefðu ekki liðið fimm mínútur þangað til rekstrarstjórinn hringdi til baka og sagði að enginn fundur yrði haldinn á Sólon eftir að hafa grennslast fyrir um samtökin. „Það er enginn fundur hér.“ Um hádegisbilið birtist síðan færsla á Facebook ESA-samtakanna þar sem greint er frá því að kynningarfundurinn yrði líklega ekki haldinn í dag.Samtök hernaðarandstæðinga fordæmdu námskeiðið Samtök hernaðarandstæðinga birtu í gær færslu á Facebook-síðu sinni þar sem upphafleg ákvörðun hótelsins um að hýsa viðburðinn var gagnrýnd. Þar eru nýleg hryðjuverk hægri-öfgamanns í Nýja-Sjálandi rifjuð upp en sá myrti fimmtíu manns í tveimur moskum þann 15. mars. Viðbrögð samfélagsins við þessum voðaverkum hafi falið í sér eindregna höfnun á ofbeldi og hatri. „Í þessu ljósi er það umhugsunarefni að öfl sem ítrekað hafa daðrað við verstu birtingarmyndir kynþáttahaturs og útlendingaandúðar skuli óáreitt fá að skipuleggja námskeið á hóteli í miðri Reykjavík með áherslu á vopnaburð og hermennsku.“ Samtök hernaðarandstæðinga fordæmi því námskeið ESA, sem samtökin kalla fyrirtæki sem meðal annars hafi þjálfað öfgahægrihópa í Úkraínu. Samtökin hvöttu því stjórnendur Grand Hótel til þess að endurskoða ákvörðun sína um að hýsa viðburðinn.Starfsmenn hafi neitað að þjónusta ESA Viðar Þorsteinsson, framkvæmdastjóri Eflingar, segir nokkrir starfsmenn hótelsins hafi neitað að veita þjónustu á viðburðinum. Eflaust hafi það haft einhver áhrif. Hann kveðst ánægður með þá ákvörðun að vísa ESA frá.Sema Erla Serdar, stjórnmála- og evrópufræðingur, segir nú þurfi að grípa í taumana.Vísir/eyþór„Ætlum við að normalísera hatursorðræðu?“ Sema Erla Serdar sagði í gær á Facebooksíðu sinni að hernámskeiðið myndi marka tímamót í íslensku samfélagi. Ef af viðburðinum yrði væri hatursorðræða normalíseruð. Hún segir að við vitum öll hvert næsta skrefið í þessu ferli sé. „Það er núna sem við ákveðum sem samfélag hvaða leið við ætlum að fara. Ætlum við, hvort sem við erum fjölmiðlafólk, stjórnmálafólk, embættismenn eða almennir borgarar að láta þetta viðgangast? Ætlum við að normalísera hatursorðræðu með því að halda áfram að dreifa henni, senda óskýr skilaboð og gera fátt annað en að þrengja ákvæði laga um hatursorðræðu og láta íslenska öfgamenn vopnast? Eða ætlum við að taka skýra afstöðu gegn fordómum og hatri, gegn hatursorðræðu og koma í veg fyrir að hatursglæpir fari að færast í aukarnar hér, að mismunun ákveðinna hópa festist í sessi og mismunandi hópar fólks geti ekki búið í sátt og samlyndi. Við berum öll ábyrgð sem þegnar í þessu samfélagi. Það er undir okkur komið hvernig samfélagið okkar er og hvert það stefnir.“
Ferðamennska á Íslandi Innflytjendamál Reykjavík Mest lesið „Við ætlum að upplifa stóra drauminn hans Kristians Helga” Innlent Lögreglumaður á sjúkrahúsi eftir alvarlega árás á Goslokahátíð Innlent Skipstjóri handtekinn í Reykjavíkurhöfn Innlent Ákvörðun dómsmálaráðherra gríðarleg vonbrigði Innlent „Þeir verða að geta varið sig“: Hættir við að hætta vopnasendingum Erlent Lögreglan lýsir eftir Hebu Ýr Innlent Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent Vill safna íbúum Gasa í lokaðar búðir og flytja síðan á brott Erlent Bandamenn fá hótunarbréf um 25 til 40 prósent toll Erlent Einu verslun Þingeyringa lokað Innlent Fleiri fréttir Lögreglumaður á sjúkrahúsi eftir alvarlega árás á Goslokahátíð Óskar viðbragða ráðherra við löngum afgreiðslutíma Lögregla lýsir eftir heilabilaðri konu á Akureyri „Við ætlum að upplifa stóra drauminn hans Kristians Helga” Vilja taka fjármálaáætlun til umræðu Einu verslun Þingeyringa lokað Aðsóknarmet slegið í lögreglunám Skipstjóri handtekinn í Reykjavíkurhöfn Ákvörðun dómsmálaráðherra gríðarleg vonbrigði Lögreglan lýsir eftir Hebu Ýr Öll tölfræði um málþófið á einum stað: Íslandsmet á næsta sólarhring „Þetta er bara hálfkák og ekkert annað“ Skiltið hluti af stærra vandamáli sem dragi úr lífsgæðum Spyr hvort berja megi blaðamenn í ljósi sýknudómsins Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Fjársvelt geðheilbrigðisúrræði og boltaleikjabann „Kemur ekki til greina að fresta þessu máli“ Fimm grunuð um að ráðast á mann sem kom öðrum til bjargar Þrír milljarðar til viðbótar í viðhald vega Sjö ára dómur fyrir að stinga tvo: Hittu árásarmanninn í fyrsta skipti þessa nýársnótt Vill vindorkuver í Garpsdal og breytir tillögu stjórnar Tugir með magapínu eftir þríþraut við Laugarvatn „Við erum með háskólakerfi sem er fjármagnað undir OECD meðaltali“ Rembihnútur á þinginu en örþrifaráð ekki til umræðu Ákvörðun saksóknara sendi undarleg skilaboð Þinglok ekki í augnsýn og háskólarnir undirfjármagnaðir Grunaðir um að stinga mann í rassinn að tilefnislausu Ný kort sýna hvernig almyrkvinn verður á Íslandi Bandarískur kjarnorkukafbátur í heimsókn Formenn þingflokka halda spilunum þétt að sér Sjá meira
Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent
Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent