Viðbragðsáætlun stjórnvalda vegna gjaldþrots WOW air hefur verið virkjuð. Þetta staðfesti Sigurður Ingi Jóhannsson, samgönguráðherra, í samtali við fréttastofu áður en ráðherrafundur hófst í Stjórnarráðshúsinu í morgun.
Aðspurður hvort að staðan sem nú sé komin upp sagði Sigurður Ingi:
„Ég vil nú fyrst og fremst fá tækifæri til þess að fara yfir þetta, ég skal veita viðtal síðar í dag. Við erum búin að vera að undirbúa meðal annars þessa niðurstöðu í mjög langan tíma.“
Sigurður Ingi vildi ekki fara neitt út í það í hverju viðbragðsáætlun stjórnvalda felst en sagðist gera það síðar í dag.
Tilkynnt var í morgun um að WOW air hefði hætt starfsemi. Félagið hafði átt í miklum rekstrarörðugleikum í töluverðan tíma og ekki tókst að fá nýja fjárfesta að félaginu eins og stefnt var að.
Fréttin hefur verið uppfærð.
Viðbragðsáætlun stjórnvalda hefur verið virkjuð

Tengdar fréttir

WOW air heyrir sögunni til
WOW air hefur hætt starfsemi að fullu.

WOW hafi sýnt mikla ábyrgð með því að skila sjálft inn flugrekstrarleyfinu
Samgöngustofa fór aldrei nærri því að grípa til aðgerða.

Þurfa hugsanlega að breyta áherslum: Sættir sig ekki við að heimilin taki viðlíka skell eins og eftir hrun
Verkalýðshreyfingin þarf mögulega að breyta áherslum sínum í kjaraviðræðum vegna þeirra tíðinda sem bárust í morgunsárið að flugfélagið WOW air væri hætt starfsemi. Ragnar Þór Ingólfsson, formaður VR, segist ekki ætla að sætta sig við að heimilin í landinu taki viðlíka skell eins og eftir hrun ef rætist úr svörtustu verðbólguspám.