Dánarorsök söngvara Prodigy liggur fyrir

Réttarrannsókn hefur leitt í ljós að Keith Flint, söngvari Prodigy, hengdi sig. Frá þessu er greint á vef BBC.

Flint fannst látinn á heimili sínu í Essex fyrir viku síðan. Að sögn lögregluyfirvalda er enginn grunur um að nokkuð saknæmt hafi átt sér stað í tengslum við dauða Flint en enn er beðið eftir niðurstöðum úr eiturefnaprófum.

Flint var 49 ára gamall þegar hann lést. Hann varð heimsfrægur á tíunda áratug síðustu aldar sem söngvari hinnar vinsælu sveitar Prodigy.

Prodigy átti fyrir höndum tónleikaferðalag í Bandríkjunum í maí en sveitin gaf út plötu í nóvember og var nýkomin úr tónleikaferðalagi í Ástralíu.

Fólk með sjálfsvígshugsanir er minnt á Hjálparsíma Rauða krossins, 1717, og netspjallið. Þjálfaðir og reynslumiklir sjálfboðaliðar á öllum aldri svara þeim símtölum og spjöllum sem berast. Fullum trúnaði er heitið.



Nánari upplýsingar hér.



Fyrirsögn fréttarinnar hefur verið breytt eftir ábendingar frá geðsviði Landspítalans.