Gullkistan: Varði átta víti í einum leik

Það vakti mikla lukku þegar Sebastian Alexandersson tók fram markmannsskóna í leik FH og ÍR í Olísdeild karla um síðustu helgi. Frammistaða hans var hins vegar kannski ekki sú besta, enda kominn til ára sinna.

Sebastian er, eins og hann sagði sjálfur við blaðamann Vísis í leikslok „allt of gamall, allt of feitur, allt of þungur, með enga sjón, enga mjöðm, engan líkama.“

Þegar hann var upp á sitt besta var hann hins vegar mjög góður í markinu. Tómas Þór Þórðarson vildi minna þjóðina á hvað Sebastian gæti nú gert og gróf upp gamla spólu í Seinni bylgjunni á Stöð 2 Sport í gærkvöld.

Þar má meðal annars sjá Sebastian verja átta víti í einum leik. Sjón er sögu ríkari.