Fótbolti

KSÍ búið að gera upp við Heimi og Helga

Henry Birgir Gunnarsson skrifar
Heimir og Helgi á HM í Rússlandi.
Heimir og Helgi á HM í Rússlandi. vísir/vilhelm
KSÍ hefur loksins náð samkomulagi við fyrrum landsliðsþjálfarana Heimi Hallgrímsson og Helga Kolviðsson. Samkomulagið náðist 252 dögum eftir að þeir stýrðu liðinu í síðasta skipti.

Ágreiningurinn snérist um árangurstengdar greiðslur til þjálfaranna en menn túlkuðu samningana augljóslega ekki á sama hátt.

Málið hefur verið viðkvæmt og aðilar ekkert viljað tjá sig um málið. KSÍ hefur nú gefið út yfirlýsingu ásamt þjálfurunum þar sem ekki er farið út í nein smáatriði en sagt að allir skilji sáttir.

Yfirlýsingin:

Undirrituðum er ánægja að staðfesta að samkomulag hefur náðst á milli aðila varðandi árangurstengdar greiðslur vegna þátttöku A landsliðs karla í riðlakeppni fyrir HM 2018. Skiptar skoðanir voru um túlkun á tilteknum samningsákvæðum sem nú hefur verið leyst úr með sátt aðila þar um. Aðilar skilja sáttir og þakklátir fyrir farsælt samstarf og óska hvor öðrum velfarnaðar í komandi verkefnum.

Guðni Bergsson, formaður KSÍ

Heimir Hallgrímsson

Helgi Kolviðsson

Íslenski boltinn KSÍ

Tengdar fréttir

Heimi og KSÍ greinir á um bónusgreiðslur vegna HM

Heimir Hallgrímsson, fyrrverandi þjálfari íslenska karlalandsins, stendur í stappi við Knattspyrnusamband Íslands að fá bónusgreiðslur greiddar sem hann telur sig eiga rétt á samkvæmt samningi.

Mest lesið


Fleiri fréttir

Sjá meira


×

Mest lesið