Stórskyttan Róbert Aron Hostert, leikmaður Vals, mun ekki spila handbolta á næstunni eftir að hafa orðið fyrir árás í miðbæ Reykjavíkur.
Róbert Aron staðfesti við Morgunblaðið að hann hefði fengið þungt högg í andlitið þar sem hann var að bíða eftir leigubíl eftir að hafa verið að skemmta sér í bænum.
Róbert sagði árásina hafa verið tilefnislausa og að árásarmaðurinn hefði flúið eftir að hafa veitt honum þungt högg í andlitið. Leikmaðurinn þekkti ekki árásarmanninn.
Sprunga kom á kinnbeinið við höggið og Róbert getur því ekki spilað með Valsmönnum í að minnsta kosti sex vikur.
Róbert Aron kýldur í miðbænum og verður lengi frá
