Stefán Birgir Jóhannesson var hetja Njarðvíkinga og tryggði þeim jafntefli gegn Þrótti í Lengjubikar karla.
Liðin mættust í Reykjaneshöllinni í kvöld og voru það Njarðvíkingar sem áttu fyrsta markið. Það gerði Arnar Helgi Magnússon á síðustu mínútu fyrri hálfleiks og fóru þeir grænu með eins marks forskot inn í leikhléið.
Þeir bættu svo við strax í upphafi seinni hálfleiks þegar Bergþór Ingi Smárason skoraði.
Þróttarar voru hins vegar ekki lengi að svara. Jasper van der Heyden skoraði fyrsta mark Þróttara á 66. mínútu og Gústav Kári Óskarsson jafnaði á 81. mínútu.
Van der Heyden virtist svo hafa tryggt Reykvíkingum sigurinn þegar hann skoraði á 85. mínútu en Stefán Birgir bjargað stigi fyrir Njarðvík í uppbótartíma seinni hálfleiks.
Njarðvík fer því á topp riðils 2 í A-deild Lengjubikarsins, með einu stigi meira en KR sem á þó leik til góða.
Dramatík suður með sjó
Ástrós Ýr Eggertsdóttir skrifar

Mest lesið


Álftnesingar krækja í lykilmann Keflavíkur
Körfubolti


Dolezaj til liðs við nýliðana
Körfubolti





Flýta tveimur leikjum KA-manna í næsta mánuði
Íslenski boltinn

Kæra Coote vegna ummæla sinna um Jürgen Klopp
Enski boltinn