Dagný og Margrét Lára snúa aftur í landsliðið

Jón Þór Hauksson, landsliðsþjálfari kvenna í fótbolta, valdi Margréti Láru Viðarsdóttur, markahæsta landsliðsmann Íslands frá upphafi, í Algarve-hópinn en hann kynnti hópinn sem fer á Algarve-mótið í dag.

Dagný Brynjarsdóttir snýr einnig aftur í landsliðið eftir barnsburð og erfið meiðsli en hún var ekkert með á síðasta ári. Endurkoma hennar er kærkomin fyrir liðið.

Guðbjörg Gunnarsdóttir, aðalmarkvörður Íslands, er enn þá frá vegna meiðsla og heldur Bryndís Lára Hrafnkelsdóttir því sæti sínu í hópnum en hún var með í fyrsta leik Jón Þórs á móti Skotlandi í janúar.

Fanndís Friðriksdóttir, sem á að baki 98 leiki og 15 mörk, er ekki valin að þessu sinni. Hún hefur verið fastamaður í liðinu í mörg ár.

Ísland mætir Skotlandi og Kanada í riðlakeppni Algarve-bikarsins sem spilaður verður frá 27. febrúar til 6. mars en alls fær liðið þrjá leiki þar sem að leikið verður um sæti.

Hópurinn:

Markverðir:

Sandra Sigurðardóttir, Val

Sonný Lára Þráinsdóttir, Breiðabliki

Bryndís Lára Hrafnkelsdótitr, Þór/KA

Varnarmenn:

Anna Björk Kristjánsdóttir, PSV

Hallbera G. Gísladóttir, Val

Ingibjörg Sigurðardóttir, Djurgården

Glódís Perla Viggósdóttir, Rosengård

Guðrún Arnardóttir, Breiðabliki

Sif Atladóttir, Kristianstad

Þórdís Hrönn Sigfúsdóttir

Miðjumenn:

Selma Sól Magnúsdóttir, Breiðabliki

Gunnhildur Yrsa Jónsdóttir, Utah Royals

Sigríður Lára Garðarsdóttir, ÍBV

Sara Björk Gunnarsdótitr, Wolfsburg

Dagný Brynjarsdóttir, Portland Thorns

Andrea Rán Snæfeld Hauksdóttir, Breiðabliki

Sandra María Jessen, Bayer Leverkusen

Framherjar:

Margrét Lára Viðarsdóttir, Val

Rakel Hönnudóttir, Reading

Agla María Albertsdótitr, Breiðabliki

Svava Rós Guðmundsdótir, Kristianstad

Berglind Björg Þorvaldsdóttir, PSV

Elín Metta Jensen, Val