Sneri baki í boltann en varði samt: Ótrúleg markvarsla í Meistaradeildinni

Darly Zoqbi er markvörður Budućnost í Svartfjallalandi og hún varði stórkostlega í leik liðsins í Meistaradeildinni í dag.

Budućnost tapaði með tveimur mörkum, 24-22, á útivelli gegn Rostov-Don eftir að hafa verið 13-11 undir í hálfleik.

Það var ekki sigurinn sem vakti mesta athygli í leiknum því ótrúleg markvarsla Darly hefur vakið mikla athygli eftir leikinn.

Sjón er sögu ríkari en vörsluna má sjá hér að neðan þar sem Darly kemur hlaupandi inn af bekknum og snýr bakinu í leikmanninn.