Landsréttur hefur heimilað embætti lögreglustjórans á Vesturlandi að rannsaka efnisinnihald farsíma manns sem er grunaður líkamsárás og kynferðislega áreitni í félagi við aðra í ágúst árið 2016. Er síminn talinn innihalda ljósmyndir af árásinni.
Þegar lögreglan reyndi að opna símann, með heimild mannsins, reyndist uppgefið pin-númer rangt. Neitaði maðurinn að gefa upp rétt pin-númer símans og sagðist ekki muna það. Var það talin ótrúverðug skýring þar sem síminn hafi verið í notkun þegar hann var haldlagður.
Eru mennirnir grunaðir um að hafa haldið manninum, snúið upp á hendur hans og slegið hann. Samkvæmt framburði vitnis á einn mannanna að hafa tekið myndir af því og síminn því nauðsynlegur við rannsókn málsins og geta brotin að sögn lögreglu varðað fangelsisrefsingu.
Úrskurð Landsréttar má sjá hér.
