Fram keyrði yfir nýliðana í síðari hálfleik

Fram er áfram tveimur stigum á eftir Val á toppi Olís-deildar kvenna eftir sjö marka sigur á KA/Þór í kvöld, 31-24.

Jafnræði var með liðunum í fyrri hálfleik og staðn var jöfn er liðin gengu til búningsherbergja 14-14. Fram keyrði hins vegar yfir gestina í síðari hálfleik og munurinn að lokum sjö mörk.

Ragnheiður Júlíusdóttir og Steinunn Björnsdóttir gerðu sitt hvor átta mörkin fyrir Fram en Martha Hermannsdóttir gerði tíu fyrir KA/Þór. Hulda Bryndís Tryggvadóttir gerði fimm.

Fram er í öðru sæti deildarinnar með 21 stig en Valur er á toppnum með 23 stig. Nýliðarnir KA/Þór er í fimmta sætinu með þrettán stig.