Barcelona fór illa með Levante í spænsku úrvalsdeildinni í kvöld en Börsungar unnu 5-0 og skoraði argentíski snillingurinn, Lionel Messi þrennu.
Levante byrjaði leikinn ágætlega og fengu ágætis færi í til þess að skora.
En þegar Luis Suarez kom Barcelona yfir á 35. mínútu varð fljótt ljóst í hvað stefndi.
Messi tvöfaldaði forystu Börsunga undir lok fyrri hálfleiks og hann var svo aftur á ferðinni strax í upphafi seinni hálfleiks.
Messi fuullkomnaði svo þrennu sína á 60. mínútu leiksins.
Á 76. mínútu fékk Erick Cabaco, leikmaður Levante að líta á rauða spjaldið og eftirleikurinn hjá Barcelona því auðveldur.
Gerard Pique bætti svo við fimmta marki Barcelona og þar við sat, öruggur 5-0 sigur Börsunga.
Barcelona eru því áfram einir á toppnum, með þriggja stiga forskot á Sevilla og Atletico Madrid eftir sextán umferðir.
Messi með þrennu í öruggum 5-0 sigri Barcelona
