Tobias að snúa aftur í Vesturbæinn?

Tobias Thomsen er að ganga til liðs við KR eftir að hafa yfirgefið Íslandsmeistara Vals að loknu síðasta tímabili í Pepsi-deildinni.

Fótbolti.net greinir frá þessu í dag.

Tobias þekkir vel til í Vesturbænum en hann lék með KR sumarið 2017 við góðan orðstír þar sem hann skoraði níu mörk fyrir KR í 22 leikjum í Pepsi-deildinni.

Hann gekk í kjölfarið í raðir Vals þar sem tækifærin voru af skornum skammti en þessi danski framherji skoraði aðeins eitt mark í Pepsi-deildinni á síðustu leiktíð þar sem hann kom við sögu í fjórtán leikjum hjá Val.