Bjarni Fritzson var í dag settur í eins leiks bann af aga- og úrskurðarnefnd HSÍ.
Bjarni þjálfar ÍR í Olísdeild karla og segir í dómnum að hann hafi fengið útilokun með skýrsu „vegna grófrar óíþróttamannslegrar hegðunar“ í leik KA og ÍR um helgina.
Hann fékk rautt spjald undir lok leiksins sem endaði með 25-25 jafntefli.
„Ég fékk rautt spjald fyrir að sparka í brúsa. Ég var svo ósáttur við strákana að við skyldum hafa glutrað þessu niður. Ég var mjög pirraður og sparkaði ágætlega í einhvern brúsa. Ég ræddi ekkert við dómarana í kjölfarið af því,“ sagði Bjarni í viðtali við Vísi eftir leikinn.
Bjarni má því ekki stýra liðinu í næsta leik í Olísdeildinni sem er fimmtudaginn 1. nóvember þegar ÍR mætir FH í Austurberginu.
ÍR er í 10. sæti deildarinnar með þrjú stig úr fimm leikjum.
Víkingur R.
KR
