HK skoraði fjögur mörk í fyrri hálfeik í tíu marka tapi gegn Fram

Fram lenti ekki í miklum vandræðum með HK í Olís-deild kvenna en Íslandsmeistararnir unnu tíu marka sigur á nýliðunm, 29-19.

Það var í raun ljóst frá upphafi í hvað stefndi. HK-liðið skoraði einungis fjögur mörk gegn fjórtán mörkum Fram í fyrri hálfleik.

Fram hélt uppteknum hætti í síðari hálfeik og nokkuð þægilegur sigur Íslandsmeistaranna staðreynd, 29-19.

Díana Kristín Sigmarsdóttir var í sérflokki í liði HK en hún skoraði sjö mörk. HK er með fjögur stig af tíu mögulegum í sjötta sætinu.

Steinunn Björnsdóttir var stórkostleg í liði Fram og skoraði ellefu mörk en Fram er með fullt hús stiga á toppi deildarinnar.