Óvissustigi aflétt vegna Skaftárhlaups

Almannavarnadeild Ríkislögreglustjóra hefur aflétt óvissustigi vegna Skaftárhlaups og segir hlaupið yfirstaðið. Þetta tilkynnti stofnunin á Facebook í dag. Hlaupið hófst föstudaginn þriðja ágúst og er það næststærsta sem mælst hefur úr Skaftárkötlum.

Þjóðvegi eitt var lokað um tíma vegna hlaupsins nú og olli það skemmdum á Suðurlandsvegi. Hlaupinu var þó í raun lokið að mestu á fimmtudaginn þegar rennsli í Skaftá komst aftur í eðlilegt horf miðað við árstíma.

Skaftárhlaupið nú var stærra að rúmmáli til en hlaupið 2015 og eitthvert stærsta jökulhlaup í Skaftá síðan mælingar hófust. Sambærileg hlaup að rúmmáli féllu 1970, 1982, 1984 og 1995 auk hlaupsins 2015.