Milljarða villa LeBron James í Los Angeles

Körfuboltamaðurinn LeBron James gekk í raðir Los Angeles Lakers í sumar og gerði þar fjögurra ára samning.

James fór til Lakers frá Cleveland Cavaliers en kappinn á risa villu í Los Angeles sem hefur allt til alls.

Þar mun hann búa ásamt eiginkonu sinni Savannah Brinson og þremur börnum. Á YouTube-síðunni NBA2U má sjá myndband þar sem hús Lebron James er til umfjöllunar.

Þar er allt til alls en þau hjónin fjárfestu í eigninni árið 2015 og borguðu þá tuttugu milljónir dollara fyrir, eða því sem samsvarar rúmlega tveimur milljörðum íslenskra króna.

Húsið er tæplega 900 fermetrar að stærð en er talið að húsið sé í dag metið á um 25 milljónir dollara.

Í því eru sex svefnherbergi og átta baðherbergi en hér að neðan má sjá hvernig þetta allt saman lítur út.