Fjarskiptafyrirtækið Míla varar við því að hlaupið í Skaftá gæti haft áhrif á fjarskiptasambönd á svæðinu. Fyrirtækið hefur lýst yfir óvissustigi á Suðurlandi vegna hlaupsins.
Strengjakerfi Mílu liggja um vatnasvæði Skaftár. Í tilkynningu frá fyrirtækinu kemur fram að kerfinu geti stafað hætta af eins stóru hlaupi og spáð hefur verið í ánni.
Starfsmenn Mílu og samstarfsaðilar á Suðurlandi eru sagðir í viðbragðsstöðu vegna hlaupsins.
Samkvæmt upplýsingum lögreglu er búist við því að hlaupið komi að efsta bænum í Skaftárdal um klukkan tíu til ellefu í kvöld.
Hlaupið gæti haft áhrif á fjarskiptasamband
Tengdar fréttir
Hlaupið í Skaftá rís mun hraðar en árið 2015
Búist við að það nái mun fyrr í byggð.
Telja ekki að göngufólk sé í hættu vegna hlaupsins
Um 30-40 björgunarsveitarmenn vinna að því að hafa uppi á göngufólki og rýma svæði vegna Skaftárhlaups.
Rennsli eykst hratt í Skaftá
Vatn úr Skaftárhlaupi náði fyrsta mæli við Sveinstind um klukkan 13:15 í dag, að sögn Snorra Zóphoníassonar, sérfræðings Veðurstofunnar.
Rýming hafin en ekki vitað um fjölda fólks á svæðinu
Atburðarásin í dag hefur verið mun hraðari en búist var við en hlaupið kom undan jökli og náði fyrsta mæli skömmu eftir 13 í dag.
