Vottar gæti að persónuvernd

Evrópudómstóllinn hefur úrskurðað að löggjöf Evrópusambandsins, ESB, um vernd persónulegra gagna feli í sér að trúfélög og trúboðar þeirra beri ábyrgð á meðferð persónuupplýsinga sem þeir afla þegar þeir ganga hús úr húsi.

Samkvæmt úrskurði Evrópudómstólsins eru þar með takmarkanir fyrir því hvað vottar Jehóva mega skrifa niður og geyma eftir að hafa bankað upp á hjá fólki og staðið í dyragættinni hjá því. Greint er frá þessu á vef Kristilega Dagblaðsins, Kristeligt-Dagblad.