Wang Shouwen, undirráðherra viðskipta í Kína, hvatti Bandaríkjastjórn í gær til að „leggja niður vopnin“, það er að segja að afnema nýja tolla á kínverskar vörur svo hægt sé að ganga til viðræðna um viðskipti landanna. Shouwen bætti því við að „yfirgangsseggirnir“ í Bandaríkjunum hefðu hleypt af fyrsta skotinu í tollastríðinu.
Tollar hafa verið lagðir á tugi þúsunda vara eftir að Trump Bandaríkjaforseti hóf leikinn á dögunum. Wang sagði að tollastríðið ynni gegn hagsmunum bæði Bandaríkjanna og Kína, sem og heimsins alls.
Sagðist hann hafa átt von á því að viðræður undanfarið myndu verða til þess að koma í veg fyrir tollastríðið. „Viðræðurnar gengu vel, svo vel raunar að Bandaríkjamenn sögðust ætla að fresta tollastríðinu. En allt í einu tilkynntu þeir um nýja tolla,“ sagði Wang.
Trump leggi niður vopnin
Tengdar fréttir
Fyrstu skotunum í viðskiptastríði Bandaríkjanna og Kína hleypt af
Hætta er á að viðskiptastríð Trump Bandaríkjaforseta og Kína harðni enn á næstunni.
Tollastríð gæti leitt til skjálfta í öllu efnahagslífi heimsins
Formlegt tollastríð er skollið á milli tveggja stærstu hagkerfa heims, það er að segja Bandaríkjanna og Kína.
Stýra umfjöllun um tollastríðið
Svo virðist sem kínverska ríkisstjórnin reyni nú að koma í veg fyrir að Donald Trump Bandaríkjaforseti beiti sér af meiri hörku í tollastríðinu.
