Öryggisráðið fundar í dag vegna árásarinnar í Jemen

Öryggisráð Sameinuðu þjóðanna kemur saman til skyndifundar í dag vegna árásarinnar á hafnarborgina Hodeidah í Jemen, sem hófst í fyrrinótt. Sádí Arabar leiða aðgerðirnar sem miða að því að frelsa borgina úr höndum Houthi uppreisnarmanna í landinu.

Óttast er um fjölda óbreyttra borgara sem búa í Hodeidah en borgin er mikilvæg taug til umheimsins og til þessa hefur hún verið helsta leið mannúðar- og hjálparsamtaka til að koma hjálpargögnum inn í þetta stríðshrjáða land.