Líkamsárás til rannsóknar í Vestmannaeyjum

Lögreglan fer yfir helstu verkefni hennar í Vestmanneyjum í liðinni viku en í þeirri færslu kemur fram að ósætti varð milli tveggja manna sem endaði með að annar sló hinn og er grunur um að sá sem fyrir árásinni varð sé nefbrotinn.

Þá var lögreglunni tilkynnt um skemmdir sem unnar voru á bifreið sem stóð við Kirkjuveg 26 í Eyjum. Tilkynningin barst síðdegis á laugardag en skemmdir höfðu verið unnar á vélarloki og framenda bifreiðarinnar. Ekki er vitað um hver var þarna á verki og óskar lögregla eftir upplýsingum um hugsanlegan geranda.