Stanslaust áreiti aðdáenda hrakti Stjörnustríðsleikkonu af Instagram

Bandaríska leikkonan Kelly Marie Tran, sem þekktust er fyrir hlutverk sitt sem Rose Tico í Stjörnustríðsmyndinni The Last Jedi, hefur eytt öllu út af Instagram-reikningi sínum. Talið er að hún hafi sagt skilið við miðilinn vegna ítrekaðs áreitis og kynþáttafordóma í hennar garð af hálfu aðdáenda Stjörnustríðsmyndanna.

Tran, sem er af víetnömskum uppruna, fór með hlutverk vélvirkjans Rose Tico sem slóst í för með Finn, einni af aðalsöguhetjum nýju Stjörnustríðsmyndanna. Persónan virðist ekki hafa átt upp á pallborðið hjá einhverjum aðdáendanna en margir þeirra, yfirleitt karlar, hafa komið óánægju sinni til skila með því að rakka niður útlit Tran og þjóðerni hennar.

Bandaríska YouTube-stjarnan Paul Ramsey, sem gjarnan er kenndur við „hitt hægrið“ vestanhafs, var á meðal þeirra sem beindu spjótum sínum að Tran á sínum tíma. Hann gerði grín að holdafari hennar í Twitter-færslu sem birtist eftir að The Last Jedi kom út í fyrra.

Áreitið virðist nú hafa náð slíkum hæðum að Tran fann sig knúna til að eyða öllu út af Instagram-reikningi sínum. Tran hefur þó ekkert tjáð sig enn um málið en leikstjóri The Last Jedi, Rian Johnson, stökk henni til varnar á Twitter í gær.

On social media a few unhealthy people can cast a big shadow on the wall, but over the past 4 years I've met lots of real fellow SW fans. We like & dislike stuff but we do it with humor, love & respect. We're the VAST majority, we're having fun & doing just fine. https://t.co/yhcShg5vdJ

— Rian Johnson (@rianjohnson) June 5, 2018

Þá hafa óbreyttir netverjar margir tekið upp hanskann fyrir Tran og hafa margir hamrað á því hversu góð fyrirmynd hún sé fyrir Bandaríkjamenn af asískum uppruna, sérstaklega konur.

Hi if you think Kelly Marie Tran / Rose Tico's presence in Star Wars changed the franchise for the better, please RT so we can drown out the manbabies. pic.twitter.com/Q95CGI4lcY

— Suzie Samin (@suzannesamin) June 5, 2018

If you followed Kelly Marie Tran on instagram then you know she has been one of the loveliest and most positive souls on the goddamn internet in the past year and I will FIGHT every last person who hurt her https://t.co/WDP6j2HM5N

— Sarah Dollard (@snazdoll) June 5, 2018

I wasn't a huge fan of the Last Jedi, but as an Asian American of Vietnamese decent it was huge to see Kelly Marie Tran in a major role in a Star Wars movie. It's beyond upsetting to see how she's been treated. Also, sickening to see fellow creators encourage it.

— Brian Reber (@ReberVision) June 6, 2018

Þetta er ekki í fyrsta sinn sem Stjörnustríðsleikkona er flæmd burt af samfélagsmiðlum en Daisy Ridley, sem fer með aðalhlutverkið í nýju kvikmyndum seríunnar, lokaði Instagram-reikningi sínum um stund árið 2016. Talið er að hún hafi gripið til þess ráðs vegna áreitis frá aðdáendum myndanna.