Stefnir í stórsigur Sósíalistaflokksins í Reykjavík

Miðað við aðrar tölur sem kynntar voru fyrir skemmstu í Reykjavík stefnir í stórsigur Sósíalistaflokksins. Flokkurinn er nú með 6,1 prósent atkvæða í höfuðborginni og einn borgarfulltrúa þegar 18.178 atkvæði hafa verið talinn.

Sveitarstjórnarkosningarnar nú eru fyrstu kosningarnar sem flokkurinn fer í gegnum en hann var stofnaður fyrr í vetur. Til samanburðar má geta þess að Píratar fengu 5,9 prósent atkvæða í kosningunum fyrir fjórum árum.

Sanna Magdalena Mörtudóttir, oddviti Sósíalistaflokksins, var að vonum ánægð þegar hún brást við þessum tölum í beinni útsendingu á Stöð 2.

„Þetta er bara glæsilegt. Við erum mjög ungur flokkur og fórum af stað með lítið sem ekkert fjármagn á bak við okkur, keyrðum þetta áfram dálítið á samfélagmiðlum og samræðum við fólk. Þetta eru bara frábærar fréttir,“ sagði Sanna.

 

18.178 atkvæði hafa verið talin í Reykjavík og skiptast þau svona:

Framsóknarflokkurinn hlýtur 570 atkvæði eða 3,1 prósent

Viðreisn hlýtur 1.452 atkvæði eða 8 prósent

Sjálfstæðisflokkurinn hlýtur 5.193 atkvæði eða 28,6 atkvæði

Íslenska þjóðfylkingin hlýtur 29 atkvæði eða 0,2 prósent

Flokkur fólksins hlýtur 785 atkvæði  eða 4,3 prósent

Höfuðborgarlistinn hlýtur 100 atkvæði eða 0,6 prósent

Sósíalistaflokkur íslands hlýtur 1.102 atkvæði eða 6,1 prósent

Kvennahreyfingin hlýtur 137 atkvæði eða 0,8 prósent

Miðflokkurinn hlýtur 539 atkvæði eða 5,9 prósent

Borgin okkar - Reykjavík  hlýtur 64 atkvæði atkvæði eða 0,4 prósent

Píratar hljóta 1341 atkvæði eða 7,4 prósent

Alþýðufylkingin hlýtur 44 atkvæði eða 0,2 prósent

Samfylkingin hlýtur 4.810 atkvæði eða 26,5 prósent

Vinstri græn hljóta 1.356 atkvæði eða 7,5 prósent

Karlalistinn hlýtur 51 atkvæði eða 0.3 prósent

Frelsisflokkurinn hlýtur 32 atkvæði eða 0,2 prósent