Óðinn með eitt af mörkum ársins í Eyjum

Óðinn Þór Ríkharðsson skoraði algjörlega stórglæsilegt mark í fyrsta leik ÍBV og FH í rimmunni um Íslandsmeistaratitilinn í handbolta en leikið var í Eyjum í dag.

Eyjamenn höfðu betur, 32-26, en eftir fyrri hálfleikinn leiddi FH. Það var að hluta til vegna stórkostlegrar frammistöðu Óðins Þórs í horninu en hann skoraði hvert markið á fætur öðrum.

Eitt marka Óðins var þó sérstaklega glæsilegt en hann kom FH í 9-8 eftir rúman stundarfjórðung með marki úr hraðaupphlaupi. Algjörlega frábært mark.

Sjón er sögu ríkari en markið má sjá hér að ofan. Liðin mætast í leik númer tvö í Kaplakrika á þriðjudag.