Steinunn mikilvægasti leikmaðurinn

Steinunn Björnsdóttir, varnar- og línumaður Fram, var valinn mikilvægasti leikmaður í úrslitakeppni Olís-deildar kvenna. Valið er af HSÍ.

Þetta var tilkynnt í lok leiks Fram og Vals í Safamýrinni í kvöld en Fram vann 26-22 sigur. Sá sigur tryggði þeim 3-1 sigur í rimmunni og þar af leiðandi Íslandsmeistaratitil.

Steinunn var ekki með Fram í fyrri hluta mótsins en hún eignaðist barn um jólin. Hún kom afar sterk á ný inn í Fram-liðið og var algjörlega frábær í liði Fram bæði í vörn og sókn.

Þetta var annað árið í röð sem Fram varð Íslandsmeistari og í 22. sinn í sögunni sem Fram var Íslandsmeistari.

Meira er hægt að lesa um leikinn hér.