Opið bréf til RÚV Barnavernd Hafnarfjarðar skrifar 10. apríl 2018 07:00 Útvarpsstjóri Magnús Geir Þórðarson. Við starfsmenn barnaverndarnefndar Hafnarfjarðar viljum vekja athygli þína á því hversu erfitt og vandmeðfarið starf barnaverndarstarfsmanna er. Hjá barnaverndarnefnd Hafnarfjarðar starfar fólk með allt að 30 ára starfsreynslu af barnaverndarstarfi. Svipað gildir um starfsmenn hjá Barnavernd Reykjavíkur. Engar meiriháttar ákvarðanir eru teknar án þess að þær séu bornar undir teymi sérfræðinga í barnavernd. Ef ekki næst samvinna við foreldra er málið lagt fyrir barnaverndarnefnd þar sem foreldrar geta nýtt sér andmælarétt sinn og börnunum er skipaður talsmaður. Flest mál eru unnin í góðri samvinnu við foreldra. Barnaverndarstarfsmenn eru málsvarar barna sem geta ekki varið sig. Flest börn vilja alast upp hjá foreldrum sínum, en engu að síður eru foreldrarnir ekki alltaf í stakk búnir til að veita börnum sínum þá ást, umhyggju og aga sem þau þurfa á að halda, sum vegna áfengis- og fíkniefnavanda, vegna geðræns vanda eða þroskafrávika og í sumum tilfellum vegna áhættuhegðunar barna. Í öllum tilfellum er reynt að styðja foreldra til að bæta forsjárhæfni sína en þegar þau úrræði sem barnavernd hefur yfir að ráða duga ekki til, getur komið til þess að vista þurfi börnin, til að byrja með í tímabundnu fóstri og síðar í varanlegu fóstri. Hér er um erfiðar ákvarðanir að ræða sem koma til af illri nauðsyn. Ekki er óalgengt að barnaverndarstarfsmenn og fjölskyldur þeirra fái hótanir frá ósáttum foreldrum, starfsmenn eru í sumum tilvikum nafngreindir í fjölmiðlum og á samfélagsmiðlum. Svo langt hefur jafnvel gengið að ráðist hefur verið á heimili starfsmanna barnaverndarnefndar. Þegar fjölmiðlar beita sér gegn okkur fyrir að vinna vinnuna okkar af heilindum þá sárnar okkur og finnst að okkur vegið en sum okkar vilja hætta þessu og aðrir brenna upp. Við höfum metnað til að búa börnum og fjölskyldum betri aðstæður og höldum áfram okkar faglega starfi. Einhliða umfjöllun eins og átti sér stað í þættinum Kveik, gerir okkur þó erfitt fyrir. Hætta er á að þær fjölskyldur hverra mál eru nýlega komin inn á borð barnaverndar, upplifi ótta og vantraust í garð barnaverndar og getur það aukið á vanda þeirra og flækt meðferð mála. Við vitum ekki hvaða ástæður liggja að baki því að ákveðið var að aðskilja systkinin sem um var rætt í Kveik þriðjudaginn 27. mars sl. Við vitum þó að það hlýtur að liggja rík ástæða á bak við ákvörðunina sem hefur verið tekin á meðferðarfundi af sérfræðingum barnaverndar. Fósturforeldrar líkt og starfsmenn barnaverndar eru bundnir trúnaði og því furðuðum við okkur á því að sjá Þóru Arnórsdóttur blaða í skjölum sem virðast vera trúnaðargögn sem fóru á milli fósturforeldra og starfsmanna barnaverndar. Auk þess hljóta margir að þekkja fósturforeldrana í sjón og vita um hvaða börn er að ræða. Hver er að vernda börnin þarna? Er það faglegt að fjalla um mál sem varpar kastljósi á börnin og er algjörlega einhliða málflutningur? Í okkar vinnu er okkur skylt að kanna aðstæður barna sem best og kanna málið út frá öllum hliðum á faglegan hátt og hvetjum við starfsfólk RÚV til að gera slíkt hið sama. Fjölmiðlafólki líkt og barnaverndarstarfsmönnum ber að lúta lögum og reglum í vinnu sinni en í siðareglum blaðamanna segir: „Blaðamaður vandar upplýsingaöflun sína, úrvinnslu og framsetningu svo sem kostur er og sýnir fyllstu tillitssemi í vandasömum málum.“ Í reglum RÚV um meðferð athugasemda o.fl. segir að þess beri að gæta að vinnslan sé til fyrirmyndar varðandi gæði og fagleg vinnubrögð og gæta hlutlægni í frásögn. Því gerum við undirrituð alvarlegar athugasemdir við vinnubrögð starfsmanna RÚV, útvarps allra landsmanna, vegna umfjöllunar um barnaverndarmál í tilvitnuðum þáttum.Höfundar eru Ellen Guðlaugsdóttir Helena Unnarsdóttir Hildigunnur Bjarnadóttir Kolbrún Ögmundsdóttir Ólína Birgisdóttir Ólöf Lára Ágústsdóttir Matthildur Jóhannsdóttir Valgerður Rún Haraldsdóttir Ægir Örn Sigurgeirsson starfsmenn barnaverndarnefndar Hafnarfjarðar Viltu birta grein á Vísi? Sendu okkur póst. Senda grein Birtist í Fréttablaðinu Fjölmiðlar Mest lesið Skrift er málið Guðbjörg Rut Þórisdóttir Skoðun 1500 vanvirk ungmenni í Reykjavík Magnea Gná Jóhannsdóttir Skoðun Komið gott! Álfhildur Leifsdóttir,Hólmfríður Jennýjar Árnadóttir Skoðun Tvær leiðir færar til þess að skóli fyrir alla geti virkað Íris Björk Eysteinsdóttir Skoðun Ástarsvik ein tegund ofbeldis gegn eldra fólki Kolbrún Áslaugar Baldursdóttir Skoðun Örorkubyrði og örorkuframlag lífeyrissjóða Björgvin Jón Bjarnason Skoðun Frá Peking 1995 til 2025: Samstarf, framþróun og ný heimsskipan Karl Héðinn Kristjánsson Skoðun Hvað eiga kaffihúsin á 18. öld á Englandi og gervigreind sameiginlegt? Stefán Atli Rúnarsson Skoðun Að hafa trú á samfélaginu Hjálmar Bogi Hafliðason Skoðun Sköpum samfélag fyrir börn Gunnar Salvarsson Skoðun Skoðun Skoðun Frá Peking 1995 til 2025: Samstarf, framþróun og ný heimsskipan Karl Héðinn Kristjánsson skrifar Skoðun Ástarsvik ein tegund ofbeldis gegn eldra fólki Kolbrún Áslaugar Baldursdóttir skrifar Skoðun Lítil bleik slaufa kemur miklu til leiðar Halla Þorvaldsdóttir skrifar Skoðun Fræ menntunar – frá Froebel til Jung Kristín Magdalena Ágústsdóttir skrifar Skoðun 1500 vanvirk ungmenni í Reykjavík Magnea Gná Jóhannsdóttir skrifar Skoðun Hvað eiga kaffihúsin á 18. öld á Englandi og gervigreind sameiginlegt? Stefán Atli Rúnarsson skrifar Skoðun Að hafa trú á samfélaginu Hjálmar Bogi Hafliðason skrifar Skoðun Sköpum samfélag fyrir börn Gunnar Salvarsson skrifar Skoðun Skrift er málið Guðbjörg Rut Þórisdóttir skrifar Skoðun Viltu hafa jákvæð áhrif þegar þú ferðast? Ásdís Guðmundsdóttir skrifar Skoðun Tvær leiðir færar til þess að skóli fyrir alla geti virkað Íris Björk Eysteinsdóttir skrifar Skoðun Örorkubyrði og örorkuframlag lífeyrissjóða Björgvin Jón Bjarnason skrifar Skoðun Komið gott! Álfhildur Leifsdóttir,Hólmfríður Jennýjar Árnadóttir skrifar Skoðun Gervigreind er persónulegi kennarinn þinn – Lærum að læra upp á nýtt Sigvaldi Einarsson skrifar Skoðun Gegn áætluðu kílómetragjaldi stjórnvalda á bifhjól Matthías Arngrímsson skrifar Skoðun Tillaga um hærri vörugjöld á mótorhjól er skref aftur á bak Unnar Már Magnússon skrifar Skoðun Hvernig hugsar þú um hreint vatn? Lovísa Árnadóttir skrifar Skoðun Takk Vigdís! Takk Guðni! Takk Halla! — Takk þjóð! Hjörtur Hjartarson skrifar Skoðun Blóðmerar - skeytingarleysi hinna þriggja valda Árni Stefán Árnason skrifar Skoðun Krefjandi tímar í veitingageiranum Einar Bárðarson skrifar Skoðun Má endalaust vera níðingur!! Arna Magnea Danks skrifar Skoðun Um pólitík óttans, öryggisvæðingu fólksflótta og hina ICElensku varðhaldsstöð Sema Erla Serdaroglu skrifar Skoðun Silfurfat Samfylkingarinnar Helgi Áss Grétarsson skrifar Skoðun Opið bréf til Jóhanns Páls Jóhannssonar umhverfis-, orku- og loftlagsráðherra Kolbrún Georgsdóttir skrifar Skoðun Fjármálabylting: Gervigreind og táknvæðing fyrir almenning Björgmundur Örn Guðmundsson skrifar Skoðun Véfréttir og villuljós Þorsteinn Siglaugsson skrifar Skoðun „Fór í útkall“ Þorgerður Katrín Gunnarsdóttir skrifar Skoðun Dagur náms- og starfsráðgjafar 2025: Faglegur stuðningur sem skiptir máli – fyrir einstaklinga og samfélagið Jónína Kárdal,Svandís Sturludóttir skrifar Skoðun Fjölþátta ógnarstjórn Högni Elfar Gylfason skrifar Skoðun Verjum mikilvæga starfsemi Ljóssins Guðbjörg Jónsdóttir,Helga Tryggvadóttir,Sigurdís Haraldsdóttir skrifar Sjá meira
Útvarpsstjóri Magnús Geir Þórðarson. Við starfsmenn barnaverndarnefndar Hafnarfjarðar viljum vekja athygli þína á því hversu erfitt og vandmeðfarið starf barnaverndarstarfsmanna er. Hjá barnaverndarnefnd Hafnarfjarðar starfar fólk með allt að 30 ára starfsreynslu af barnaverndarstarfi. Svipað gildir um starfsmenn hjá Barnavernd Reykjavíkur. Engar meiriháttar ákvarðanir eru teknar án þess að þær séu bornar undir teymi sérfræðinga í barnavernd. Ef ekki næst samvinna við foreldra er málið lagt fyrir barnaverndarnefnd þar sem foreldrar geta nýtt sér andmælarétt sinn og börnunum er skipaður talsmaður. Flest mál eru unnin í góðri samvinnu við foreldra. Barnaverndarstarfsmenn eru málsvarar barna sem geta ekki varið sig. Flest börn vilja alast upp hjá foreldrum sínum, en engu að síður eru foreldrarnir ekki alltaf í stakk búnir til að veita börnum sínum þá ást, umhyggju og aga sem þau þurfa á að halda, sum vegna áfengis- og fíkniefnavanda, vegna geðræns vanda eða þroskafrávika og í sumum tilfellum vegna áhættuhegðunar barna. Í öllum tilfellum er reynt að styðja foreldra til að bæta forsjárhæfni sína en þegar þau úrræði sem barnavernd hefur yfir að ráða duga ekki til, getur komið til þess að vista þurfi börnin, til að byrja með í tímabundnu fóstri og síðar í varanlegu fóstri. Hér er um erfiðar ákvarðanir að ræða sem koma til af illri nauðsyn. Ekki er óalgengt að barnaverndarstarfsmenn og fjölskyldur þeirra fái hótanir frá ósáttum foreldrum, starfsmenn eru í sumum tilvikum nafngreindir í fjölmiðlum og á samfélagsmiðlum. Svo langt hefur jafnvel gengið að ráðist hefur verið á heimili starfsmanna barnaverndarnefndar. Þegar fjölmiðlar beita sér gegn okkur fyrir að vinna vinnuna okkar af heilindum þá sárnar okkur og finnst að okkur vegið en sum okkar vilja hætta þessu og aðrir brenna upp. Við höfum metnað til að búa börnum og fjölskyldum betri aðstæður og höldum áfram okkar faglega starfi. Einhliða umfjöllun eins og átti sér stað í þættinum Kveik, gerir okkur þó erfitt fyrir. Hætta er á að þær fjölskyldur hverra mál eru nýlega komin inn á borð barnaverndar, upplifi ótta og vantraust í garð barnaverndar og getur það aukið á vanda þeirra og flækt meðferð mála. Við vitum ekki hvaða ástæður liggja að baki því að ákveðið var að aðskilja systkinin sem um var rætt í Kveik þriðjudaginn 27. mars sl. Við vitum þó að það hlýtur að liggja rík ástæða á bak við ákvörðunina sem hefur verið tekin á meðferðarfundi af sérfræðingum barnaverndar. Fósturforeldrar líkt og starfsmenn barnaverndar eru bundnir trúnaði og því furðuðum við okkur á því að sjá Þóru Arnórsdóttur blaða í skjölum sem virðast vera trúnaðargögn sem fóru á milli fósturforeldra og starfsmanna barnaverndar. Auk þess hljóta margir að þekkja fósturforeldrana í sjón og vita um hvaða börn er að ræða. Hver er að vernda börnin þarna? Er það faglegt að fjalla um mál sem varpar kastljósi á börnin og er algjörlega einhliða málflutningur? Í okkar vinnu er okkur skylt að kanna aðstæður barna sem best og kanna málið út frá öllum hliðum á faglegan hátt og hvetjum við starfsfólk RÚV til að gera slíkt hið sama. Fjölmiðlafólki líkt og barnaverndarstarfsmönnum ber að lúta lögum og reglum í vinnu sinni en í siðareglum blaðamanna segir: „Blaðamaður vandar upplýsingaöflun sína, úrvinnslu og framsetningu svo sem kostur er og sýnir fyllstu tillitssemi í vandasömum málum.“ Í reglum RÚV um meðferð athugasemda o.fl. segir að þess beri að gæta að vinnslan sé til fyrirmyndar varðandi gæði og fagleg vinnubrögð og gæta hlutlægni í frásögn. Því gerum við undirrituð alvarlegar athugasemdir við vinnubrögð starfsmanna RÚV, útvarps allra landsmanna, vegna umfjöllunar um barnaverndarmál í tilvitnuðum þáttum.Höfundar eru Ellen Guðlaugsdóttir Helena Unnarsdóttir Hildigunnur Bjarnadóttir Kolbrún Ögmundsdóttir Ólína Birgisdóttir Ólöf Lára Ágústsdóttir Matthildur Jóhannsdóttir Valgerður Rún Haraldsdóttir Ægir Örn Sigurgeirsson starfsmenn barnaverndarnefndar Hafnarfjarðar
Hvað eiga kaffihúsin á 18. öld á Englandi og gervigreind sameiginlegt? Stefán Atli Rúnarsson Skoðun
Skoðun Frá Peking 1995 til 2025: Samstarf, framþróun og ný heimsskipan Karl Héðinn Kristjánsson skrifar
Skoðun Hvað eiga kaffihúsin á 18. öld á Englandi og gervigreind sameiginlegt? Stefán Atli Rúnarsson skrifar
Skoðun Gervigreind er persónulegi kennarinn þinn – Lærum að læra upp á nýtt Sigvaldi Einarsson skrifar
Skoðun Um pólitík óttans, öryggisvæðingu fólksflótta og hina ICElensku varðhaldsstöð Sema Erla Serdaroglu skrifar
Skoðun Opið bréf til Jóhanns Páls Jóhannssonar umhverfis-, orku- og loftlagsráðherra Kolbrún Georgsdóttir skrifar
Skoðun Fjármálabylting: Gervigreind og táknvæðing fyrir almenning Björgmundur Örn Guðmundsson skrifar
Skoðun Dagur náms- og starfsráðgjafar 2025: Faglegur stuðningur sem skiptir máli – fyrir einstaklinga og samfélagið Jónína Kárdal,Svandís Sturludóttir skrifar
Skoðun Verjum mikilvæga starfsemi Ljóssins Guðbjörg Jónsdóttir,Helga Tryggvadóttir,Sigurdís Haraldsdóttir skrifar
Hvað eiga kaffihúsin á 18. öld á Englandi og gervigreind sameiginlegt? Stefán Atli Rúnarsson Skoðun