Sársvangur götulistamaður segir matarskammta borgarinnar nauma Jakob Bjarnar skrifar 18. apríl 2018 11:00 Enginn skyldi efast um að Jójó hafi ekki hjartað á réttum stað. Hann er ekki að tala um nauma skammta fyrir sig, heldur þykir honum aldraðir og öryrkjar grátt leiknir með svo naumum matarskömmtum. visir/vilhelm Jójó, sem Reykvíkingar þekkja vel sem trúbador götunnar, hefur vegna veikinda nýtt sér eldhúsið Vitatorg, matarþjónustu Reykjavíkurborgar, sem ætluð er eldri borgurum og öryrkjum; þeim sem rétt eiga á félagsþjónustu. Jójó er ekki sáttur. Honum þykir skammtarnir afar naumt skammtaðir.Rétt botnfylli í bakkann „Þetta er rétt botnfylli í bakkann. Síðasta sunnudag voru þeir til dæmis með eitthvað ítalskt salat með extra grænum baunum og kartöflum. Sumir fá nú kótilettu eða steik á sunnudögum,“ segir Jójó og ekki annað á honum að heyra en hann svelti heilu og hálfu hungri. „Neinei, eða ég er orðinn fær um að fara út í Hagkaup aftur og kaupa mér 1944. En, það koma tímar sem eru erfiðir.Fólk er að borga fyrir ölmusu og það er ljótt. Öll eigum við eftir að verða gömul og farlama. Sá hlær best sem síðast hlær, og það veit enginn hver verður veikur á leiðinni. Það er ljótt að koma svona fram við smælingjana,“ segir Jójó og telur aldraða og öryrkja grátt leikna með svo litlum matarskömmtum.Segir gert út á smælingjana Trúbadorinn segir að fyrir heimsendan mat þá þurfi að borga rétt rúmar 900 krónur en fari menn á staðinn, þá sé þetta rúmar 700 krónur.Jójó hefur verið duglegur við að spila í Austurstræti og segir klinkast inn, eins og hann orðar það. Hann á nú í harðri samkeppni við sígauna að sögn, sem eru mættir eldsnemma fyrir utan helstu verslanir og standa átta tíma vaktir. Jójó reynir að standa vörð um sinn stað í Austurstrætinu.visir/símonEinhver myndi nú segja að það sé vel sloppið fyrir máltíð? „Hefurðu séð skammtinn,“ spyr Jójó forviða yfir því sem honum þykir ósmekkleg ósvífni í blaðamanninum. „Þetta er minna en ein pylsa. Nánasarlega útilátið og til skammar.“ Jójó telur einsýnt að um gróðastarfsemi sé að ræða segir að í samanburði séu miklu betri kaup í til dæmis 1944 réttunum, sem eru betur úti látnir að ekki sé talað um eldhúsið sem IKEA rekur. Þar borga menn 999 krónur yfir helmingi meiri mat og þar megi fá ábót.Sumir eru matarfrekari en aðrir Vísir ræddi við Eyjólfur Elíasson yfirkokk, en hann hefur yfirumsjón með Vitatorgi og rekstri þess. Honum þykir afar leitt að heyra af því að Jójó sé ekki að fá fylli sína. Hann segir erfitt við þetta að eiga því sumir eru matarfrekari en aðrir. „Þetta er ekki ósvipað því og að fara og kaupa sér mat á veitingastað, þar sem ekki er ábót.Þeir sem eru stórir og miklir þurfa kannski meira. Við erum ekki með þjónustu sem getur haldið utan um það. Sumum finnst þetta feikinóg, og láta skammtinn jafnvel duga jafnvel í meira en eina máltíð,“ segir Eyjólfur sem ekki kannast við að margir hafi kvartað undan því að naumt sé skammtað.Einn þriðji af matarþörf yfir daginn Að sögn Eyjólfs er þetta eldhús borgarinnar að senda út að meðaltali 300 matarbakka á degi hverjum. Getur verið meira og getur verið minna. Og þjónustuþegarnir eru mun fleiri; þeir sem eru að fá mat. Ekki eru allir að fá mat alla daga. Erum að fara inna´yfir fimm hundruð heimili yfir mánuðinn. Sumir einu sinni, aðrir bara um helgar og allur gangur á þessu. „Þetta er hugsað sem einn þriðji af matarþörf yfir daginn. Máltíðin er svona um sjö hundruð grömm, af soðnum mat, 100 grömm af kartöflum, 80 grömm af grænmeti, 100 grömm af sósu og smjör ef er fiskur 160 grömm, 30 grömm af smjöri ef er fiskur, súpa 200 grömm.“ Eyjólfur segir þetta ráðlagður skammtur og hugsaður sem ein máltíð í deginum. Að sögn Eyjólfs er þetta velferðarþjónusta. Um er að ræða niðurgreiddan mat. Hlutfallslega er þetta um 25 prósent sem er niðurgreitt af hálfu borgarinnar, eða rétt um 100 milljónir á ársgrundvelli. Félagsmál Mest lesið Leysti út lögmannsréttindin: Fer í sjálfstæðan rekstur en heldur eftirlaununum Innlent Hafði ritað „Breivik“ og „Drepið Trump“ á skotvopnin Erlent Stytta þurfi sumarfrí barna um að lágmarki tvær vikur Innlent Játning á borðinu í umfangsmestu þjófnuðum seinni tíma Innlent Sá blóðugan mann hlaupa út og árásarmanninn á eftir honum Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Hafna „órökstuddum fullyrðingum“ Sigurðar Inga Innlent Skólamál í Kópavogi: Bókun eftir bókun á fundi bæjarstjórnar Innlent Menningarráðherra skipaði son heilbrigðisráðherra í formannsstörf Innlent Fleiri fréttir „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Sjá meira
Jójó, sem Reykvíkingar þekkja vel sem trúbador götunnar, hefur vegna veikinda nýtt sér eldhúsið Vitatorg, matarþjónustu Reykjavíkurborgar, sem ætluð er eldri borgurum og öryrkjum; þeim sem rétt eiga á félagsþjónustu. Jójó er ekki sáttur. Honum þykir skammtarnir afar naumt skammtaðir.Rétt botnfylli í bakkann „Þetta er rétt botnfylli í bakkann. Síðasta sunnudag voru þeir til dæmis með eitthvað ítalskt salat með extra grænum baunum og kartöflum. Sumir fá nú kótilettu eða steik á sunnudögum,“ segir Jójó og ekki annað á honum að heyra en hann svelti heilu og hálfu hungri. „Neinei, eða ég er orðinn fær um að fara út í Hagkaup aftur og kaupa mér 1944. En, það koma tímar sem eru erfiðir.Fólk er að borga fyrir ölmusu og það er ljótt. Öll eigum við eftir að verða gömul og farlama. Sá hlær best sem síðast hlær, og það veit enginn hver verður veikur á leiðinni. Það er ljótt að koma svona fram við smælingjana,“ segir Jójó og telur aldraða og öryrkja grátt leikna með svo litlum matarskömmtum.Segir gert út á smælingjana Trúbadorinn segir að fyrir heimsendan mat þá þurfi að borga rétt rúmar 900 krónur en fari menn á staðinn, þá sé þetta rúmar 700 krónur.Jójó hefur verið duglegur við að spila í Austurstræti og segir klinkast inn, eins og hann orðar það. Hann á nú í harðri samkeppni við sígauna að sögn, sem eru mættir eldsnemma fyrir utan helstu verslanir og standa átta tíma vaktir. Jójó reynir að standa vörð um sinn stað í Austurstrætinu.visir/símonEinhver myndi nú segja að það sé vel sloppið fyrir máltíð? „Hefurðu séð skammtinn,“ spyr Jójó forviða yfir því sem honum þykir ósmekkleg ósvífni í blaðamanninum. „Þetta er minna en ein pylsa. Nánasarlega útilátið og til skammar.“ Jójó telur einsýnt að um gróðastarfsemi sé að ræða segir að í samanburði séu miklu betri kaup í til dæmis 1944 réttunum, sem eru betur úti látnir að ekki sé talað um eldhúsið sem IKEA rekur. Þar borga menn 999 krónur yfir helmingi meiri mat og þar megi fá ábót.Sumir eru matarfrekari en aðrir Vísir ræddi við Eyjólfur Elíasson yfirkokk, en hann hefur yfirumsjón með Vitatorgi og rekstri þess. Honum þykir afar leitt að heyra af því að Jójó sé ekki að fá fylli sína. Hann segir erfitt við þetta að eiga því sumir eru matarfrekari en aðrir. „Þetta er ekki ósvipað því og að fara og kaupa sér mat á veitingastað, þar sem ekki er ábót.Þeir sem eru stórir og miklir þurfa kannski meira. Við erum ekki með þjónustu sem getur haldið utan um það. Sumum finnst þetta feikinóg, og láta skammtinn jafnvel duga jafnvel í meira en eina máltíð,“ segir Eyjólfur sem ekki kannast við að margir hafi kvartað undan því að naumt sé skammtað.Einn þriðji af matarþörf yfir daginn Að sögn Eyjólfs er þetta eldhús borgarinnar að senda út að meðaltali 300 matarbakka á degi hverjum. Getur verið meira og getur verið minna. Og þjónustuþegarnir eru mun fleiri; þeir sem eru að fá mat. Ekki eru allir að fá mat alla daga. Erum að fara inna´yfir fimm hundruð heimili yfir mánuðinn. Sumir einu sinni, aðrir bara um helgar og allur gangur á þessu. „Þetta er hugsað sem einn þriðji af matarþörf yfir daginn. Máltíðin er svona um sjö hundruð grömm, af soðnum mat, 100 grömm af kartöflum, 80 grömm af grænmeti, 100 grömm af sósu og smjör ef er fiskur 160 grömm, 30 grömm af smjöri ef er fiskur, súpa 200 grömm.“ Eyjólfur segir þetta ráðlagður skammtur og hugsaður sem ein máltíð í deginum. Að sögn Eyjólfs er þetta velferðarþjónusta. Um er að ræða niðurgreiddan mat. Hlutfallslega er þetta um 25 prósent sem er niðurgreitt af hálfu borgarinnar, eða rétt um 100 milljónir á ársgrundvelli.
Félagsmál Mest lesið Leysti út lögmannsréttindin: Fer í sjálfstæðan rekstur en heldur eftirlaununum Innlent Hafði ritað „Breivik“ og „Drepið Trump“ á skotvopnin Erlent Stytta þurfi sumarfrí barna um að lágmarki tvær vikur Innlent Játning á borðinu í umfangsmestu þjófnuðum seinni tíma Innlent Sá blóðugan mann hlaupa út og árásarmanninn á eftir honum Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Hafna „órökstuddum fullyrðingum“ Sigurðar Inga Innlent Skólamál í Kópavogi: Bókun eftir bókun á fundi bæjarstjórnar Innlent Menningarráðherra skipaði son heilbrigðisráðherra í formannsstörf Innlent Fleiri fréttir „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Sjá meira