Handbolti

Erlingur mun taka við ÍBV af Arnari

Henry Birgir Gunnarsson skrifar
Erlingur er hann stýrði liði Füchse Berlin.
Erlingur er hann stýrði liði Füchse Berlin. vísir/getty
Arnar Pétursson staðfesti við mbl.is í gær að hann myndi hætta að þjálfa karlalið félagsins í lok leiktíðar. Ekki var þó minnst á hver myndi taka við liðinu. Arnar tekur sjálfur þá ákvörðun að stíga frá borði.

Samkvæmt áreiðanlegum heimildum íþróttadeildar þá mun Erlingur Richardsson taka við liðinu af Arnari.

Erlingur er ekki ókunnur í herbúðum félagsins eftir að hafa bæði leikið og þjálfað hjá ÍBV. Hann þjálfaði bæði karla- og kvennalið félagsins í upphafi aldarinnar áður en hann fór til starfa hjá HK.

Erlingur þjálfaði svo austurríska félagið WestWien frá 2013-15 áður en hann fór til þýska stórliðsins Füchse Berlin sem hann stýrði leiktíðina 2015-16.

Hann tók við sem landsliðsþjálfari Hollands á síðasta ári. Vænta má þess að tilkynnt verði um ráðningu Erlings mjög fljótlega.

Olís-deild karla

Tengdar fréttir

Arnar hættir eftir tímabilið í Eyjum

Arnar Pétursson mun hætta sem þjálfari ÍBV eftir yfirstandandi tímabil er því kemur fram á vef Morgunblaðsins nú í kvöld. ÍBV varð bikarmeistari um helgina, en margt og mikið hefur gengið á í Eyjum síðan þá.

Mest lesið


Fleiri fréttir

Sjá meira


×

Mest lesið