Reykur í stigagangi fjölbýlishúss í Þangbakka

Slökkviliðinu á höfuðborgarsvæðinu barst tilkynning um reyk væri í stigagangi fjölbýlishúss í Þangbakka í Breiðholti.

Upphaflega var einn dælubíll sendur á staðinn en stuttu síðar var beðið um annan bíl því reykurinn væri að aukast. Alls voru þrír slökkviliðsbílar sendir á staðinn og tveir sjúkrabílar.



Hættuástandi hefur verið aflýst og ekki hefur enn fundist skýring á tilurð reyksins en verið er að vinna að því. Samkvæmt slökkviliðinu á höfuðborgarsvæðinu er ekki hægt að staðfesta að um eld hafi verið að ræða.