Eyjakonur rúlluðu yfir Hauka

ÍBV heimsótti Hauka í toppbaráttuslag í Olís-deild kvenna að Ásvöllum í dag.

Yfirburðir ÍBV voru algjörir og áttu Haukakonur engin svör við varnarleik Eyjakvenna. Staðan í leikhléi 4-11 fyrir ÍBV. Hreint ótrúlegar tölur.

Leikurinn varð aldrei spennandi og fór að lokum svo að ÍBV vann ellefu marka sigur, 14-25 og styrkti þar með stöðu sína í 4.sæti deildarinnar. Haukar eftir sem áður í 2.sæti deildarinnar, tveimur stigum á eftir toppliði Vals.

Sandra Erlingsdóttir skoraði átta mörk fyrir ÍBV og Ester Óskarsdóttir bætti við sjö.