Holstebro vann Íslendingaslaginn

Ólafur Gústafsson og Vignir Svavarson mættust í Íslendingaslag í danska handboltanum í dag en lið þeirra Holstebro og Kolding áttust við.

Það var jafnræði með liðunum framan af leik og var staðan 14-14 í leikhléi.

Í seinni hálfleiknum fór Holstebro smátt og smátt að taka völdin og vann að lokum sjö marka sigur 32-25.

Vignir Svavarsson skoraði fjögur mörk úr fjórum skotum í liði Holstebro á meðan Ólafur Gústafsson var næst markahæstur í liði Kolding með 5 mörk.