Kínverjar saka Indverja um ólöglegt drónaflug

Kínversk yfirvöld segja að dróni indverska hersins hafi farið inn í lofthelgi Kína og hrapað þar fyrir nokkrum dögum síðan.

Kínverjar saka þannig Indverja um að brjóta á lofthelgi sinni og er drónaflugið harðlega gagnrýnt í kínverskum miðlum.

Samskipti ríkjanna hafa versnað eftir að deila reis upp á milli þeirra vegna yfirráða og eignarhalds á hásléttu í Himalaya-fjöllum.

Kínverjar telja sig eiga svæðið sem um ræðir en það gerir smáríkið Bútan einnig, og Indverjar styðja Bútan í því máli.