Gleymdi tönnunum í Austurstræti

Lögreglan á höfuðborgarsvæðinu fékk heldur óvenjulega tilkynningu á sjöunda tímanum í gærkvöldi.

Óskað var eftir aðstoð lögreglu á veitingahúsi við Austurstræti vegna ölvaðs viðskiptavinar. Hann hafiði þó ekki verið með óspektir eða neitað að borga. Hann hefði einfaldlega gleymt tönnunum sínum á borðinu þegar hann yfirgaf staðinn.

Tennurnar, sem lögreglan tekur sérstaklega fram að hafi verið gervitennur, bíða nú eiganda síns í óskilamunadeild lögreglunnar á Hverfisgötu.