Smárúta nam staðar í miklum halla

Minnstu munaði að illa færi þegar smárúta rann út af þjóðveginum á Svalbarðsströnd og nam staðar í miklum halla í gærkvöldi.

Þrír erlendir ferðamenn og ökumaður voru um borð og hallaðist bíllinn svo mikið að engin þorði að hreyfa sig og var kallað á hjálp.

Lögregla, sjúkrabíll og slökkvibíll komu á vettvang og með sameiginlegu átaki þeirra og með aðstoð frá bónda á öflugri dráttarvél tókst að tryggja bílinn svo að fólkið þyrði út.

Tókst svo að koma smárútunni upp á veginn á ný, ella hefði hún oltið niður mikinn bratta og hafnað ofan í skurði, að sögn lögreglu.