Ræðst fyrir hádegi á morgun hvort gamla stjórnarandstaðan fer í meirihlutaviðræður

Formaður Samfylkingarinnar telur að það liggi fyrir í fyrramálið hvort stjórnarandstöðuflokkarnir frá síðasta kjörtímabili nái nægjanlega vel saman til að hefja formlegar viðræður um myndun ríkisstjórnar. Helsta óvissan er um afstöðu Framsóknarflokksins sem einnig virðist horfa hýru auga til Sjálfstæðisflokksins.

Takist gömlu stjórnarandstöðuflokkunum fjórum ekki að koma sér saman um myndun stjórnar, með eða án fimmta flokksins, eru miklar líkur á að forseti Íslands feli Bjarna Benediktssyni fyrir helgi að mynda ríkisstjórn. Þá eru líkur á að mynduð verði stjórn Sjálfstæðisflokks, Framsóknarflokks, Miðflokks og Flokks fólksins.

Forystufólk Vinstri grænna, Pírata, Framsóknarflokks og Samfylkingar hélt áfram óformlegum þreifingum um myndun ríkisstjórnar í dag. Logi Einarsson formaður Samfylkingarinnar segir þó ekkert fast í hendi ennþá.

„Það er nú svona meira til að athuga hvaða form á að vera á því að ræða saman. Ef við ræðum saman.“

Þannig að það er verið að reyna að finna grundvöll til viðræðna?

„Já, athuga hvort hann er til staðar.“

Ertu bjartsýnn á að flokkarnir sem voru í stjórnarandstöðu á síðasta þingi geti náð að mynda einhvern kjarna í stjórnarsamstarfi?

„Já, ég er alveg hóflega bjartsýnn á það,“ segir Logi.

Staða Framsóknarflokksins gagnvart Miðflokknum virðist eitthvað trufla viðræður flokkanna fjögurra en samkvæmt heimildum fréttastofu vinnur Lilja Alfreðsdóttir varaformaður Framsóknarflokksins að því að flokkarnir vinni saman í ríkisstjórn með því að reyna að sætta formenn flokkanna.

Ekki er vilji til þess meðal Vinstri grænna, Pírata og Samfylkingar að vinna með Miðflokknum en sættir Sigmundar Davíðs Gunnlaugssonar og Sigurðar Inga Jóhannssonar gætu verið lykillinn að samstarfi flokkanna við Sjálfstæðisflokkinn í ríkisstjórn.

Takist stjórnarandstöðuflokkunum fjórum ekki að ná saman, gæti Katrín rætt stjórnarsamstarf við Sjálfstæðisflokkinn. Flokkarnir hafa samanlagt 27 þingmenn og þyrftu aðeins fimm til viðbótar til að mynda lágmarks meirihluta. Vinstri græn myndu þá helst vilja fara í slíkt samstarf ásamt Samfylkingu.

Takist stjórnarandstöðuflokkunum fjórum ekki að ná saman, gæti Katrín rætt stjórnarsamstarf við Sjálfstæðisflokkinn. Flokkarnir hafa samanlagt 27 þingmenn og þyrftu aðeins fimm til viðbótar til að mynda lágmarks meirihluta. Vinstri græn myndu þá helst vilja fara í slíkt samstarf ásamt Samfylkingu.

„Við höfum í rauninni ekkert hugleitt það. Við erum að skoða þennan möguleika,“ segir Logi. Í kosningabaráttunni hafi birst mjög ólík sýn flokkanna til hægri og vinstri á framtíðina.

„Í rauninni þurfa menn þá að slá verulega af á báða bóga til að það gæti orðið að veruleika.“

Ertu að segja að ríkisstjórn þyrfti þá að sameinast um fá en mikilvæg mál?

„Hún þyrfti að sameinast um að búa til réttlátt samfélag og minnka misskiptingu gæða hér í landinu,“ segir Logi. En nú séu stjórnarandstöðuflokkarnir fyrrverandi hins vegar að ráða ráðum sínum en forystufólk þeirra komu saman til fundar síðdegis.

Hvað heldur þú að þið getið verið lengi að komast að þeirri niðurstöðu, hvort þið getið yfirleitt náð saman?

„Sautján klukkutíma.“

Það myndi duga?

„Það myndi duga,“ sagði Logi Einarsson klukkan tvö í dag.

„Við höfum í rauninni ekkert hugleitt það. Við erum að skoða þennan möguleika,“ segir Logi

Í kosningabaráttunni hafi birst mjög ólík sýn flokkanna til hægri og vinstri á framtíðina.

„Í rauninni þurfa menn þá að slá verulega af á báða bóga til að það gæti orðið að veruleika.“

Ertu að segja að ríkisstjórn þyrfti þá að sameinast um fá en mikilvæg mál?

„Hún þyrfti að sameinast um að búa til réttlátt samfélag og minnka misskiptingu gæða hér í landinu.“

En nú séu stjórnarandstöðuflokkarnir fyrrverandi hins vegar að ráða ráðum sínum en forystufólk þeirra koma saman síðdegis.

Hvað heldur þú að þið getið verið lengi að komast að þeirri niðurstöðu hvort þið getið yfirleitt náð saman?

„Sautján klukkutíma.“

Það myndi duga?

„Það myndi duga.“