Öllu fórnandi Sirrý Hallgrímsdóttir skrifar 4. nóvember 2017 07:00 Fyrir viku síðan. Kjósandi: Logi, er ekki öruggt að Samfó vill þjóðaratkvæðagreiðslu um áframhald aðildarviðræðna við ESB? Logi: Auðvitað, þetta er mesta hagsmunamál þjóðarinnar, annað kemur ekki til greina, ófrávíkjanlegt! Kjósandi: Og þið ætlið að koma Sjálfstæðisflokknum frá og láta verða af þessu? Logi: Nákvæmlega, Samfylkingin stendur við sitt eina stefnumál, ESB er málið, evran er málið. Viltu ekki lægri vexti og betra veður, evrópskt veður? Kjósandi: Já, rólegur, er þetta þá eina stefnumálið ykkar? Logi: Tja, kannski ekki alveg eina, en já, þetta er aðalmálið, halda áfram með aðildarferlið, þjóðin á kröfu á því að fá að kjósa, engar refjar. Fimmtudagurinn í þessari viku. Kjósandi: Logi, er ekki öruggt að Samfó vill þjóðaratkvæðagreiðslu um áframhald aðildarviðræðna við ESB? Logi: Ehm, jú, sjáðu, þetta er nú kannski ekki alveg einfalt mál. Kjósandi: Ha, eruð þið ekki að fara í ríkisstjórn? Logi: Það er algjörlega klárt mál að ef Samfylkingin ætlar að vera áhrifavaldur í íslenskum stjórnmálum á næstu árum þá þurfum við að vera skynsöm og raunsæ og við munum nálgast málið út frá því – (hér endurtekur Logi svar sitt á RÚV um sama mál). Kjósandi: Bíddu, ertu að segja að það sé skynsemi og raunsæi að leyfa ekki þjóðinni að kjósa um áframhaldandi aðildarumsókn? Logi: Það hefur margt breyst. Kjósandi: Frá því í síðustu viku? Logi: Æ, þú skilur ekki stjórnmál. Kjósandi: Heyrðu Logi, er það kannski pólitískt ómögulegt fyrir þessa ríkisstjórn að leyfa þjóðinni að greiða atkvæði um málið? Logi: Tja, já svona þannig, já. Kjósandi: Pólitískur ómöguleiki, já, nú skil ég. Höfundur er pistlahöfundur Fréttablaðsins. Viltu birta grein á Vísi? Sendu okkur póst. Senda grein Birtist í Fréttablaðinu Sirrý Hallgrímsdóttir Mest lesið Sjö staðreyndir í útlendingamálum Þorbjörg S. Gunnlaugsdóttir Skoðun Sjálfstæðisstefnan og frelsið Helgi Áss Grétarsson Skoðun Svargrein: Ísland á víst að íhuga aðild að ESB Ágúst Ólafur Ágústsson Skoðun „Er allt í lagi?“ Olga Björt Þórðardóttir Skoðun Sumarfríinu aflýst Sigurður Helgi Pálmason Skoðun Úr skotgröfum í netkerfin: Netárásir á innviði Vesturlanda Ýmir Vigfússon Skoðun Einmanaleiki: Skortir þig tengsl við þig eða aðra? Sigrún Þóra Sveinsdóttir Skoðun Um mýkt, menntun og von Sigurður Árni Reynisson Skoðun Fordómar gagnvart hinsegin fólki – Reynslusaga Geir Gunnar Markússon Skoðun Gerir háskólanám þig að grunnskólakennara? Davíð Már Sigurðsson Skoðun
Fyrir viku síðan. Kjósandi: Logi, er ekki öruggt að Samfó vill þjóðaratkvæðagreiðslu um áframhald aðildarviðræðna við ESB? Logi: Auðvitað, þetta er mesta hagsmunamál þjóðarinnar, annað kemur ekki til greina, ófrávíkjanlegt! Kjósandi: Og þið ætlið að koma Sjálfstæðisflokknum frá og láta verða af þessu? Logi: Nákvæmlega, Samfylkingin stendur við sitt eina stefnumál, ESB er málið, evran er málið. Viltu ekki lægri vexti og betra veður, evrópskt veður? Kjósandi: Já, rólegur, er þetta þá eina stefnumálið ykkar? Logi: Tja, kannski ekki alveg eina, en já, þetta er aðalmálið, halda áfram með aðildarferlið, þjóðin á kröfu á því að fá að kjósa, engar refjar. Fimmtudagurinn í þessari viku. Kjósandi: Logi, er ekki öruggt að Samfó vill þjóðaratkvæðagreiðslu um áframhald aðildarviðræðna við ESB? Logi: Ehm, jú, sjáðu, þetta er nú kannski ekki alveg einfalt mál. Kjósandi: Ha, eruð þið ekki að fara í ríkisstjórn? Logi: Það er algjörlega klárt mál að ef Samfylkingin ætlar að vera áhrifavaldur í íslenskum stjórnmálum á næstu árum þá þurfum við að vera skynsöm og raunsæ og við munum nálgast málið út frá því – (hér endurtekur Logi svar sitt á RÚV um sama mál). Kjósandi: Bíddu, ertu að segja að það sé skynsemi og raunsæi að leyfa ekki þjóðinni að kjósa um áframhaldandi aðildarumsókn? Logi: Það hefur margt breyst. Kjósandi: Frá því í síðustu viku? Logi: Æ, þú skilur ekki stjórnmál. Kjósandi: Heyrðu Logi, er það kannski pólitískt ómögulegt fyrir þessa ríkisstjórn að leyfa þjóðinni að greiða atkvæði um málið? Logi: Tja, já svona þannig, já. Kjósandi: Pólitískur ómöguleiki, já, nú skil ég. Höfundur er pistlahöfundur Fréttablaðsins.