Valskonur enn taplausar

Valskonur endurheimtu toppsæti Olís deildar kvenna með góðum útisigri á Selfossi í kvöld.

Heimakonur voru yfir í hálfleik 13-12, en gestirnir í Val náðu yfirhöndinni í seinni hálfleik og unnu 22-27.

Valur hefur enn ekki tapað leik í deildinni og eru með 11 stig eftir sex umferðir.

Markaskorunin dreifðist jafnt hjá Valskonum í leiknum, en markahæst var Kristín Arndís Ólafsdóttir með 5 mörk og Hildur Björnsdóttir skoraði 4.

Hjá Selfyssingum var Kristrún Steinþórsdóttir langatkvæðamest með 8 mörk.