Valshjartað í Ými Erni Gíslasyni sló aðeins of hratt í leikhléi í vináttulandsleik Íslands og Svíþjóðar í gær.
Geir Sveinsson tók leikhlé í stöðunni 21-20, þegar átta mínútur voru liðnar af seinni hálfleik.
Eftir að Geir hafði lokið sér af tóku strákarnir baráttuhróp eins og venjan er í lok leikhléa.
Strákarnir sögðu „berjast!“ í einum kór eins og 99% allra íþróttaliða. Nema Ýmir sem hrópaði „Valur!“
Landsliðsfyrirliðinn Guðjón Valur Sigurðsson var undrandi á þessu uppátæki unga mannsins. „Valur? Ha?“ sagði Guðjón Valur í spurnartón.
Ými var örugglega fyrirgefið þetta en hann átti góðan leik í íslensku vörninni. Ísland vann leikinn 31-29. Liðin mætast öðru sinni á morgun.
Myndband af þessari skemmtilegu uppákomu má sjá á vef RÚV, eða með því að smella hér. Atvikið er á 1:15:00.
Valshjartað í Ými sló aðeins of hratt
Tengdar fréttir
Geir: Þetta er ánægjulegur hausverkur
Landsliðsþjálfarinn Geir Sveinsson var ánægður eftir 31-29 sigur Íslands gegn Svíþjóð.
Geir fær fimm leiki fyrir EM: Verður gaman að sjá hvar við stöndum gegn Svíunum
Landsliðsþjálfarinn bíður spenntur eftir að sjá hvernig lið hans spilar á móti Svíum Kristjáns Andréssonar.
Rúnar: Börnin gefa mér ekkert alltaf tíma til að hugsa um hvað þetta er pirrandi
Rúnar Kárason fær lítið að spila hjá Hannover þar sem leikmaðurinn á móti honum verður að spila.
„Biðin hefur verið erfið á köflum“
Bjarki Már Elísson skoraði fimm mörk þegar Ísland lagði Svíþjóð að velli, 31-29, í vináttulandsleik í Laugardalshöllinni í gær.
Umfjöllun, viðtöl og myndir: Ísland - Svíþjóð 31- 29 | Svíarnir lagðir í Höllinni
Íslenska karlalandsliðið í handbolta hefur undirbúninginn fyrir EM í Króatíu með tveimur vináttulandsleikjum gegn Svíþjóð í Laugardalshöllinni.
Strákarnir mæta heims- og Ólympíumeisturunum á æfingamóti
Íslenska karlalandsliðið í handbolta tekur þátt á sterku æfingamóti í Noregi í apríl á næsta ári.
Nýju strákarnir heilluðu á móti Svíagrýlunni | Myndir
Ísland vann flottan sigur á Svíþjóð í kvöld þar sem ungir menn nýttu tækifærið sitt.
Ungir mættu gömlum í skotkeppni á landsliðsæfingu og yfirburðirnir voru miklir
Bjarki Már Elísson og Rúnar Kárason mættu Ómari Inga Magnússyni og Janusi Daða Smárasyni.
