Mendy niðurlægði blaðamann á Twitter

Blaðamenn á Bretlandi eiga það til að fara frjálslega með sannleikann og þeir eru ekki vanir því að knattspyrnumennirnir, sem þeir slúðra um, stingi upp í þá.

Benjamin Mendy, leikmaður Man. City, er þó ekkert sérstaklega hefðbundinn i sinni hegðun á Twitter og hann pakkaði einum blaðamanni saman í morgun.

Mendy sá tíst frá blaðamanninum þar sem hann heldur því fram að meiðsli Mendy séu svo alvarleg að hann verði frá í níu mánuði.

Leikmaðurinn spyr hvernig standi á því að blaðamaðurinn skrifi eins og læknir? Segist svo ekki einu sinni vita það sjálfur hversu alvarlega hann sé meiddur og því geti blaðamaðurinn ekki vitað það heldur.

Hvernig blaðamaðurinn ætlar að stíga upp eftir þetta rothögg verður gaman að sjá.

Your bio says journalist so why you speak like graduated doctor ? no one has test to see if ruptured ACL or not, even I dont know lol https://t.co/6jMVtELpB6

— Benjamin Mendy (@benmendy23) September 27, 2017