Maður fórst í eldsvoða á Fljótsdalshéraði

Maður fórst í eldsvoða sem kviknaði á sveitabæ á Fljótsdalshérað í gær. Þetta kemur fram í tilkynningu frá lögreglunni á Austurlandi en slökkvliðið var kallað að bænum skömmu fyrir hádegi í gær.

Íbúðarhúsið var þá alelda og fannst maðurinn þar látinn. Kennslanefnd ríkislögreglustjóra þarf nú að bera kennsl manninn en miklar líkur eru á að hann sé íbúi húsins þar sem árangurslaus leit var gerð að honum í gær.

Ekki er á þessari stundu hægt að upplýsa um nafn hins látna. Tæknideild lögreglunnar á höfuðborgarsvæðinu fór austur og rannsakar vettvang brunans ásamt rannsóknardeild lögreglunnar á Austurlandi.